سلام ياحرًّ بدا فالشامخات من القمم = حرًّ على راس الطويله .. تعتلي بيارقه .
ياصادق الوقفات / ياراع المروّه / والكرم = يابن الكريم اللي يدينه بالمكارم غارقه
شيخ المراجل / هاوي الصعبات / عزّام الهمم = فعله على وضح النقاء واضح ماهوب مدارقه
عساه فالفردوس في جنّة نعيمً .. منتعم = وعسى ثرى قبره تساقيه المزون البارقه
ولاهي غريبه ياعيال العود عالين الهمم = ولا انتم بحاجة مدح مآدام الحقيقه / شارقه !
انتم هل الجزلات واهل الطيب من عصر القدم = اهل الشجاعه والجمايل والفعول الخارقه
واليوم ( ابو تركي ) يشيل بكفّه اليمنى العلم = كفًّ لبيبان المراجل والشهامه طارقه !
اسمً ليا منه ذُكر ماتسمع ألاّ ( والنعم ) = وشلفاه في صيد الجزال من المراجل زارقه
وفاء وجود / وطيب مجهود / ومواقيف / وعزم = وذيدانكم في دار أخو نوره ( علامه فارقه )
ميزاتها / طول الرقاب الخاليات من اللحم = أم الخدود الزاهيه / وأم السبال الوارقه
عراض الجنوب الرق فيها زود مع جبر العظم = ونحورها لاناحرت بيبان : قصر الشارقه .
وألوانها ماكنها ألاّ مزن برّاقً ردم ! = متْنكسات ظهورها .. وألاّ الغوارب مارقه
هن مبلشات الوضح من يتعب عليهن ماندم = سمعتهن لبوش الجزيره يآمحمد حارقه !
ولاهنت ياراع الوفاء والطيب مد : أم الشحم = واقبل مشاعر شاعرً نهج الوفاء مافآرقه !

صح الله لسانك لا تحرمنا جديدك

ارحــــــب يامــشعل

يستاهـــل ابو تركــي

وتستاهل المبلشات ذا الابيات الجــزله

وصـــح لسانك ياشاعرنا المميـــــــــز

صح الله لسانك يامشعل الشويش وتستاهل المدح المبلشات وراعيها ..
نترقب جديدك..

صح لسانك

ويستاهل أبو تركي

صح لسانك يامشعل
ويستاهل ابوتركي