أمس العصر هاجسي لمباك ودّاني=وجالي على قمته تالي العصر طلّه
وخيّلت برق على تثليث قزّاني=عسى مزونه تصب الوبل وتهلّه
ونشوف نبته يزوف أشكال وألواني=نبت ٍ يجي ماطره دايم على حلّه
من مد من لاعطا ماهوب منّاني=اللي كفوف البشر في الضيق رفعن لّه
مرب سود ٍ كما جنحان غرباني=سند الغوارب رفيعات ٍ ومنتلّة
وحُمْر عريبات تبهج ناظر القاني=كنها من الجوخ مكسيّات بالجلّة
الديرة اللي حموها قروم قحطاني=أدناهم اللي يسير الجيش في ظلّه
للضيف ريف وللعدوان نيراني=من سلم من بطشهم يصبح معه خلّة
وأرجع على هاجس ٍ لمباك عنّاني=الهاجس اللي يحل الراي ويملّه
وحوّلت من قمّته مع وقت الأذّاني=وعلى رهاده شعمت النار للدلّة
وصلحت كيف ٍ من المنقود يعناني=وقهويت راس ٍ غرامه للخلا تلّه
ومن بعد صليت فرضي زانت ألحاني=بدعت قافي على المسحوب وأشلّه
لانيب عاشق ولا أشكي بعد خلاّني=ولانيب محتاج وأشكي الفقر والقلّة
ولانيب مطلوب وأخشى بطش عدواني=لكن قومي زماني شاين ٍ دلّه
ياسايق الطيب عد الطيب من داني=إن كان طيبك تمدّه طبع وجبلّة
لاتُوصله للبعيد وتطمر الداني=تراه عيب عليك وطمرته زلّة
أفعل بطيبك مثل مايفعل السّاني=يسقي من ادنى جميع الزرع ويعلّه
وخلّك كما الحد حد السيف شاماني=بيمنى عديم ٍ يعدّي عنه لا سلّه
سعد الرفاقة ليا جا لازمه باني=ماهوب دمّه ثقيل وفي النحرعلّة
الطير مايرتفع من دون جنحاني=وجنحان ماهيب له لا يمكن تشلّه
من طاب في ربعه الأدنين والعاني=شرف على عالي المرقاب وأحتلّه
ولا تحسب انك بجمع المال ربحاني=لاصار فعل القدا ماعرفك يدلّه
مال ٍ بلا رابعة شوم ٍ ونقصاني=هذا جفير ٍ تشلّه مامعه سلّة
ولاصار موْقفك ماهو موقف حصاني=فالطيب منتب زبونه يالردي خلّه

صح الله السانك

ولاهـــنت ياشجااع

صح لسانك
ولاهنت ياشجاع

ارحب يا شجاع

صح الله السانك وعلى شانك

جزل ولا تجيب الا الجزال

المشاركة الأصلية كتبت بواسطة سلطان الدلبحي (المشاركة 474016) صح الله السانك ولاهـــنت ياشجااع

صح لــســانــــكـ

لاهـــــنت عــــلى الــقصيدة الجـــــزلة

صح لسانكـ ولاهنت
على النقل
***

المشاركة الأصلية كتبت بواسطة عادل الروقي (المشاركة 474019) http://t1.gstatic.com/images?q=tbn:A...YWOEyFZA4sOs2q