منتـديـات مــزايـن

منتـديـات مــزايـن (http://www.mzayan.com/vb/index.php)
-   عيادة مزاين البيطرية (http://www.mzayan.com/vb/forumdisplay.php?f=3)
-   -   المفاريد تاكل الوبر (http://www.mzayan.com/vb/showthread.php?t=36666)

محمد احمد العتيبي 02 / 06 / 2011 23 : 04 PM
المفاريد تاكل الوبر
 
السلام عليكم ورحمة الله

ياخواني ابي منكم حل عندي مفاريد ينتفن وبربعضهن بعض وياكلنه وبعضهم ياكل التراب الي عنده وبشرط مجرب يذكره الي ماعنده علم عنه يشرفني مروره وجزاه الله خير

سلطان الدلبحي 03 / 06 / 2011 11 : 12 AM
رد: المفاريد تاكل الوبر
 
راجع ذا الرابط وانشاء الله يفيدك

http://www.mzayan.com/vb/showthread.php?t=1704

محمد احمد العتيبي 03 / 06 / 2011 05 : 07 AM
رد: المفاريد تاكل الوبر
 
حياك الله ياسلطان

وشكرا لك على هالرابط

واسال الله ان لايحرمك الجر

حمد متعب 05 / 06 / 2011 17 : 10 PM
رد: المفاريد تاكل الوبر
 
هلا بك محمد والله وانا اخوك هالمشكله عانيت منها واجد لكن الحمد لله فكني الله منها

رحت وانا اخوك للبيطري وعطاني جراكن بيض وعليها استكر اخضر وغطى اخضر وعطاني مكعبات الملح الاحمر وقال هذا نقص املاح والحمد لله بعدها فقدت الشي هذا
الله يكفينا الشر وياك وكل المسلمين

عبدالمحسن المقاطي 06 / 06 / 2011 06 : 12 AM
رد: المفاريد تاكل الوبر
 
هذي نقص املاح

جبلها الملح الاحمر وعلقه لها

واذا شفتها استمرت بعد الملح بتكون كسبتها عادة

رش ظهورها بالجاره من الريحه بتترك هالعاده

محمد الوهبي التميمي 01 / 07 / 2011 07 : 01 PM
رد: المفاريد تاكل الوبر
 
مثل ماوصوك الاخوان بنقص الأملاح. بس شف لك حبحر احمررر ريحته تكفيك واطحنه وانثره عل شعفت هالحيران

سلطان بن مفرس 01 / 07 / 2011 27 : 02 PM
رد: المفاريد تاكل الوبر
 
شف وانا اخوك احيانا يكون نقص فيتامين واملاح واتعود عليه لكن ان مانفع الملح اخلطه مع الشعير في العلف
وزد عليه صب الشري على اوبار البل تكرهه لكن والله بعضها ينتضره لين ينسلب ثم يعود للنتف
هذا اكسر له سن والا اكوى الجما في اعلاه بشطة مسمار يهبله

نواف الدوسري 05 / 07 / 2011 22 : 01 PM
رد: المفاريد تاكل الوبر
 
أخوي محمد
أشتر لك فلفل حار مطحون حق الهنود بتحصله في البقالات وسعره رخيص وزيت زيتون
وجب لك غضارة وحط الزيت وكبه عليه الفلفل الحار وخلطة مع بعض وحطه في شعفة الابل وعلى السنام كامل
ولاتنسى تطلي اللي تاكل الوبر نفسها بعد وشرط ماعاد تذوق الوبر
الطريقة أنا مجربها وناجحة 100%بس الله يعينك تتحمل شكل الابل بعد ماتطليها تجي وبرتها حمر

حمود العتيبي 05 / 07 / 2011 25 : 03 PM
رد: المفاريد تاكل الوبر
 
اقتباس:
المشاركة الأصلية كتبت بواسطة سلطان بن مفرس (المشاركة 486742)
شف وانا اخوك احيانا يكون نقص فيتامين واملاح واتعود عليه لكن ان مانفع الملح اخلطه مع الشعير في العلف
وزد عليه صب الشري على اوبار البل تكرهه لكن والله بعضها ينتضره لين ينسلب ثم يعود للنتف
هذا اكسر له سن والا اكوى الجما في اعلاه بشطة مسمار يهبله
والله وانا اخوك مااعتقد ان احد يطاوعه قلبه يكسر سن الحوار ولا يكويه بجماه لان فيها شي من التعذيب والله وصا بالرفق بالحيوان وابا انصح الاخوان ترك بعض الطرق المبتكره المساله بسيطه املاح معدنيه من البيطري وملح وتروح وبلاش تكسير سنون وفلفل وكوي جماء الله يكتب الي فيه خير

نايف الحسيني 11 / 07 / 2011 01 : 11 PM
رد: المفاريد تاكل الوبر
 
لبسها جلال وقت حجرها في الشبك وافتك

فلاح الرشيدي 11 / 07 / 2011 10 : 11 PM
رد: المفاريد تاكل الوبر
 
صح الجلال افضل ومع الملح لابد ملح


الساعة الآن 06 : 09 AM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009