يامدورت الغوالي جسيمات العظام=الغوالي اللي فحلها ماهو بأدنى بعير
الغوالي اللي فحلها على وصف الكلام=راهي من جل عظمه تقول انه قصير
لادرج به راعي الصنف قال انه تمام=ماخذ في الطول عرضه وهو طوله وعير
كنه الى افتر ولا أعترض بين الجهام= تاله النشير ولامرازي له بعير
مارق النسنوس والعنق مزبور السنام = والشدوق اتميل والراس مذعور كبير
وأنمشى كنه ايتواطى أرضام في ظلام=كايده زوع المواطي الى قدهو يسير
أفجح من زر وركه إلى ماطا العظام= جرته شوف الهوايل وخفه مستدير
السمينه من خواته انصال في عجام= والعرايا من بناته أتشك أنها فطير
ماقصر منها تخبل وقام ايشق خام=كاملات الزين ونظار مافيها حقير
وأمه اللي تبهج الوردفي يوم الحيام=تبكي الشجاع في وردها مثل الغرير
وأخته من ابوه لاهي تباع ولا تسام= وكل ماتجني عليها من الخلفات ضير
والله انه شف قلبي ولي غاية مرام=صوت حسه في العشاير الى جر الهدير
مع طلوع اسهيل لاهب ذعذاع النسام=العشاير شفقة له وهو قدهو حكير
ماحلى مرواحها من جباء عد السنام= وحي شوفه لاشعاها الى قدهي صدير
كيف يوجد؟وان وجدناه!ماوالله دام=بيع ولامات ولا قالو خذه ........

الاخ خالد السبيعي مشكوووووووووووووووووووور على مرورك العطر وتعليقك على القصيدة ولاشكر على واجب وتسلم يمينك أنت