|
تجربة للفائدة عن السلاق-وسؤال عن اليوريا صاب قعود عندي هزال وضعف وزاد كل يوم ازود وكل يوم نتطبب فيه بشي جديد -مره حبوب دود ومره شراب دوود ومره ابرة جرب وعلى هالحال ماشاف زوود وقبل اسبوع جاه ذراق قوي قلت بس جاه الموت وخفت يعدي باقي الدق فشلته للرياض وقلت اوديه للتحليل ابراء ذمه لا اقل ولا اكثر ولا كل من شافه قال سلاق والله يعوضك....بعد التحليل اتضح ان فيه نوع من الطفيليات اللي لها ابرة تعالجه ولله الحمد والمنه من عطيناه الادوية وحالته احسن وموقف الذراق وفي رجاء الكريم الاكرم...فياخوان التحليل ما يكلف الا 250 ريال ويعطيك العلم ويكفيك من اللي يدوررون لك الخير و بحسن نية لكن عن جهل... الغريب في الموضوع انه نسبة اليوريا مرتفعة عند القعود وعند بكرة لي ثانية وجعها مختلف عنه تماما---فهل تعتقدون ان الماء الهماج له دووور؟ |
رد: تجربة للفائدة عن السلاق-وسؤال عن اليوريا الأخ تركي ياهلا بك ونشكر على المعلومة أولاً ثانياً الماء الهماج ليس له أي تأثير إلا إذا ماء صرا والصرا هو الماء المالح فوق المعدل المتقارب مع ماء الصبخ هذا له تاثير فقط على الحشوان من ناحية الصحة لانها ما تشرب منه كثير ولكن الأبل اللي تأكل الدمن هي التضررة بالدرجة الأولى من الهيام والسلام والطفيليات المتكررة وهناك علاجات لها عند الصيدليات لكن التشخيص هو أهم شئ البعض يروح للدكتور ويقول عندي ناقة هزيله ودقاق بس ما يذكر له الوصف بالتحديد ولهذا يعطيه علاج غير متناسب مع المرض. ولكم تحياتي |
| الساعة الآن 38 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |