حــــل الرحيــــــل .....
 

[poet font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
حل الرحيل وفرقوا شمل الاحبـاب=ناس علـى فرقـا الاحبـا مغاليـل
غدا لهم مع طلعة الشمس ضبضاب=وسالت دموع العين مثل الهماليـل
وقفت اراعي سيد تلعات الارقـاب=وأغضي وهو يغضي بسود مظاليل
بشفاه يظهر مـا تخفـي بالالبـاب=وبشفاي افصّل له عن الحال تفصيل
اسرار ودٍ بين صايـب ومنصـاب=نجوى لها باقصى الضماير مداهيل
سراير تنساب من تحـت الاجيـاب=لصدور أطهر من قراح الشهاليـل
روحي على حبه لهـا كـم جـذاب=ويتل قلبي عذب الانيـاب بالحيـل
لو ان حبه يطعن القلـب بحـراب=ابرا اليا شميـت بيـض معاسيـل
على نقـا مانـي بغـار وكسـاب=وبالعرض والله ما ندور محاصيـل
مانيب من يجرح عشيره بالاسباب=ويحط له مـع كـل ريـع محابيـل
بس الحديث وقرعة الناب بالنـاب=واظهار مكنـون الغـلا والتعاليـل
عزي لمن مثلي من الحب منصـاب=تارد عليه همـوم قلبـه زعاجيـل
اليا رقـا مرقـاب نـاداه مرقـاب=بمفارق الخـلان شـاف الغرابيـل
الله لا يجـزى عريبيـن الانسـاب=لو هم على ما قيل سوٍ على الخيـل
اللي سعوا بافراق وضّاح الانيـاب=وخلوني اجرع من عنا الغبن واشيل
فرقا ومنها القلب وسط الحشا ذاب=وعسى هل الفرقا لهم صافي الويل
عسى يصادفهم من الغيـث سكـاب=وبله غضب ما بيه يمطر لهم سيـل
ابيه يجدع مثـل قـلات الاطـواب=منها البرد ينمـاز كبـر المخاليـل
وصواعق منهـا المواليـد شيـاب=والحي منهم ذاهـل العقـل بهليـل
بأمر الكريم ومن ترجاه مـا خـاب=يمطر عليهم مثل ما جا هل الفيـل
الا لطيف الـروح يذريـه بحجـاب=كنه براس الطور وهم من ورا النيل
ويرجع علينا جادل يزها الاسـلاب=من خلقته ما نيش عرضه ولا قيـل
به مـا يعيبـه للبعيديـن واقـراب=حاشا ولا تلقـى عليـه المداخيـل
نقي عرض ولا عشق كل نصّـاب=الجوهـر الغالـي رفيـع المناويـل
وانا يصارحني بـلا سـر وكتـاب=وعن حالته يشرح لي العدل والميل
هرجه على قلبي كما الشهد ينـذاب=وقلبي على قلبـه يـرد المراسيـل
كنه بعيني لو غضـب كـل عتـاب=بدر تعلا كوكـب الجـدي وسهيـل
طفل سلب مكنون عقلي والالهـاب=عليـه اجـاوب نايحـات البلابيـل
يا شطون قلبي زجّي السر بكتـاب=مني لابو غشـام زبـن المشاكيـل
قولي رفيقه من هوا الزين ما تـاب=ويرجيه رجوا البدو وبل المخاييـل
وبالليل ياقف له عن النوم حـرّاب=وكنه يلوج بموق عينـه سماليـل

الامير محمد السديري
[/poet]

ابن هدلان

بيض الله وجهك على الاختيار الزين

ورحمة الله على السديري

موفق

الاخ والاستاذ خليل بن هدلان

اختيار رائع وذوق راقي

والجزل ما يجيب الا الجزل

رحم الله السديري

وسلمت يمين ابن هدلان

أخوك