هات الورق معه القلم وحبوره=ودي بنظم القاف فوق سطوره
أنا عنان القاف ياجاهلني=أخذ سمينه وأترك المثبوره
لا من قاف البدع شاب وهرّم=فأنا طبيبٍ له وأنا دكتوره
أطوع المعنى مثل صعب البل=وأرد خشمه لابغيت لزوره
مانيب في طرق المعاني جاهل=ولا حتاج عندك يالمغني دوره
أقدم الجزله وأنا راعيها=وأميّز السمحة من المكسوره

أجيب شعر ٍ جزل ويجملني=لصحاب تسعد والعدا مقهوره

بعض العرب لوكان منك قريّب=عداوته لك في الحشا مقبورة

والفيلسوف اللي يحسب الشدّة=عوير في العميان سوّق عوره
يارجل ياللي مستميت بنقدي=نفسي على ماشفت لي مفطوره
وفــّر على نفسك وريّح بالك=بأرحل ونفسك جعلها مسروره
الدار ملكك والضيوف تغادر=والدار راقبها من المقصورة
من بعد ذا وجدي على شوف البل=ترعى الورق في ديرةٍ مقفوره
مال الغنم في مرتع البل طاري=مافيه كود الصيدة المذيوره
نجزي بها تسعين ليل ٍ وأكثر=ألحيّها بطرف الورق مسموره
ما تلتفت للموتر اللي مقبل=لو ينثر البرسيم مع مشعورة
حليبها يجلى الغثا عن كبدي=هجال لا شماله ولا مصرورة
طاروقها لا ما أنتوت يطربني=تقول صفّة جند في طابوره
وان صاح راعيها عليها جالت=وأنحاز من جل الدبش مقهورة
من أولٍ ماكلنا نقناها=ومن وفروها بالعقل معذورة
اللي غزاها والذي يرعاها=إدميّهم من دونها مهدورة
الروح ترخص لأجلها ورضاها=واللي قنوها روسهم مسطورة

واليوم رعيان العرب ضموها=والأرض تشكي من غثاه وجوره

رعيان أبوي اللي معه وبلهم=اليوم كل ٍ شايخ ٍ في شوره
وختامها صلوا على سيدنا= اللي ذنوبه من الولي مغفوره

اللهم صلي على نبينا محمد

صح السانك وعلى شانك جزل وافي ولا يجي منك الا الجزاله

في انتظار جديدك القادم