|
( ( ( ســـــحابٍ علـى لنـدن ) ) ) السلام عليكم ورحمة الله وبركاته مساكم الله بالخــير اختر لكم ابيات من شعر الشاعر المتالق \ فيصل بن صنت بن جزيّان سحابٍ على لندن عسى ربي يسوقـه ليا ديرتن فيهـا ترعـرت ياسلطـان ليا جا حراوي نجد ثم إستـوى فوقـه تواشا وقال الخير بسـم الله الرحمـن تشوف الدير فالليل من لمعـة بروقـه ولاأصبحت تلقا خيره مسيّل الوديـان حلالاه شوف النبت قد طال زملوقـه تقول إن وجه الأرض زولية الديـوان ليا ربعت والعشب ربلـه ورقروقـه وغيره ترى من شتى الأشكال والألوان وطير الربيع يجر بالصوت طاروقـه يغني ويطرب سامعه بأعذب الألحـان تطيب الحياه لراعي النوق مـع نوقـه ليا سج من بين المعاشيـر والحيـران حياتـن تتـل القلـب وتـل معلوقـه تفاصيلها تبعدك عن عالـم الأحـزان ألا يالله اللـي عالـمٍ سـر مخلوقـه برحمتك يالله ترحم الناس والأوطـان على مصارع أيام الدهر مالنا طوقـه ولا للعباد ألا نت يالمعتلـي بالشـان وسلامتكم |
رد: ( ( ( ســـــحابٍ علـى لنـدن ) ) ) صح لسان قايلها وصح لسان ناقلها |
رد: ( ( ( ســـــحابٍ علـى لنـدن ) ) ) صح لسان قايلها وصح لسان ناقلها |
رد: ( ( ( ســـــحابٍ علـى لنـدن ) ) ) صح اللسان الناقل والقايل |
| الساعة الآن 00 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |