منتـديـات مــزايـن - وش أسباب كسار الأبل

منتـديـات مــزايـن (http://www.mzayan.com/vb/index.php)

- عيادة مزاين البيطرية (http://www.mzayan.com/vb/forumdisplay.php?f=3)

- - وش أسباب كسار الأبل (http://www.mzayan.com/vb/showthread.php?t=3559)

خالد المضياني

16 / 04 / 2007 43 : 05 PM

وش أسباب كسار الأبل

السلام عليكم
كيف حالكم
أن شاء الله بخير

حبيت أستفسر منكم عن أسباب كسار الأبل ؟
-وش أسبابه ؟
- كيف الوقاية منه؟
ماهي أعراضه؟
وشكرًا

خالد الحجي

17 / 04 / 2007 45 : 12 AM

الأخ خالد المضياني صبحك الله بالخير أولاً أنا مثلك توني مبتديء !! يمكن لي سنتين من يوم شريت البل وخبرتي تراها قليلة جداً والإعتراف بالحق فضيلة لكن يوم من عن يوم أتعلم وكل دقه بتعليمه على ماقالوا !! شوف كسار البل هالسنه البل كسارها واجد عند الناس كلها يمكن بسبب موجة البرد الشديدة والمتقطعة على أغلب المملكة وبعد البعارين يمكن لقاحها ضعيف بسبب نقص هرمونات وفيه أسباب متعلقة بالناقة من صيد أو ذيخ أو الناقة ردوم( سمين) أو الناقة تحتاج تنظيف للرحم أشياء واااجد وكل هذي مريت عليها وياخالد اللي مايصبر على البل ويتحمل الظاهر من أول سنه يبيعها ويقول وش جابني للعنا ههههه بس شد حزامك والدراهم واشري مجاهيم !!! والله يرزقك ويوفقك في ذود طيب

فيصل بن مرخان

17 / 04 / 2007 48 : 02 PM

اقتباس:

المشاركة الأصلية كتبت بواسطة خالد الحجي

لكل تعلم كذا ولي يحرص ولا ينسى بينجح انشاءالله
صدقت اخوي خالد

خالد الحجي

17 / 04 / 2007 33 : 03 PM

الأخ فيصل مساك الله بالخير والله دخلت مجال البل لأني عاشقها وهذا بفضل الله ثم أخوة واحد من قبيلة أسبيع أنا أشهد أنهم رجال وافين ويحبون البل وماعلى القبايل الباقيه قصور بس أنا شفت فيهم حب للبل وعشت معهم أربع سنوات تعلقت بالبل وعشقتهاواستانست عندهم ولما نقلت قررت أشري والحمدلله الله أعانني عليها والله أن كل الناس تشرهوا علي وقالوا وش جابك للعنا ولا واحد فيهم وقف معي الا خويٍ لي بيض الله وجهه ماقصر وفازع معي واللي مايغامر مايجيب البل والحمدلله كونت منقيه ان شاءالله تتبارك هذا أهم شيء !!

المعذره حكيت قصة حياتي مع البل هههه ولك تحياتي
الله يعينك ياخالد عليها بس

فيصل بن مرخان

18 / 04 / 2007 36 : 02 PM

موفق يا خالد والله الله لا حد يغير رايك ماعليك فيهم .. يقول المثل الي ما يطول العنب يقول حامض ... والبل مثل منت عارف التعب الي منها والي في الدنيا كلها يروح في لحضات ونت تشوفها مفليه
تحياتي اخوك
والله يباركلك فيها

خالد المضياني

18 / 04 / 2007 15 : 05 PM

الأخوان خالد الحجي
فيصل بن مرخان
نبي نقلب الموضوع دردشة ههههههههههههه
الله يهديكم طلعتوا عن الموضوع.
وشكرًا

خالد المضياني

23 / 04 / 2007 40 : 08 PM

لــــــــــــــــلـــــــــــــــــــرفـــــــــــ ــــــع
أسباب كسار الأبل ؟
-وش أسبابه ؟
- كيف الوقاية منه؟
ماهي أعراضه؟
كيف يتبين لي ان الناقة كسرت؟
هل النياق الي تكاسر كثيرة أو حالات قليلة؟لو واحد ضرب 20 ناقة كم متوسط الابل الي تكاسر
سمعت أن من أسباب الكسا البرد فلو جللت الناقة(حطيت عليها الجلال هل يحميها من الكسار؟
وشكرًا

محمد الوهبي التميمي

14 / 09 / 2011 58 : 02 PM

رد: وش أسباب كسار الأبل

كسار الابل اسبابه كثيره
١-البرد القارص
٢-هجيج الابل
٣-وجود الصيد وهو سبب رئيسي بالاكسار

هذي من مسببات إكسار الابل والله اعلم

الوقايه منه تجنب ماذكر اعلى

بندر الرويلي

15 / 09 / 2011 00 : 01 AM

رد: وش أسباب كسار الأبل

وازيد على كلام الاخ محمد
الماء البارد يفيخ بالناقة

فيصل الخييلي

15 / 09 / 2011 16 : 01 AM

رد: وش أسباب كسار الأبل

اسباب كسار الابل:

١-البرد القارص تجلل الناقه او ذرا
٢-الشحم الزايد
٣-طرد الابل بالسيارة والهجيج
٤-الصيد السبب المهم لزم تقطعه اذ وجد والبياض الي تحت لسان الناقه لزم تقطعه بموس وتحشيه بملح
٥-تحميل الابل بالدنات واذا نحديت حملها بعد اربع شهور

أتمنى أني توفقت

الساعة الآن 52 : 10 AM بتوقيت مسقط

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant