|
الشعيروالوزير بسم الله الرحمن الرحيم ياطويـل العمـر عيـنـت الشعـيـر؟! = الـيّ عبـاد الله مـاعـاد أتعيـنـه الكيـس ماباقـي عليـه الأيطيـر = وأنـا مداخيلـي شـويّ وهيـنـه تعبـان نفسيـاً ولـيّ وضعـاً خطيـر = وأخذت مـن صكـات بقعـا عينـه عـذرت فالخلفـات وأشتلـت البعيـر = والحشو في سوق الحـراج مدينـه وحطيت لـيّ خطـه لتقريـر المصيـر = فيهـا علـى التجـار مـنـي عيـنـه وصرت أنتظر لفته من الاخ الوزير = لفتـه ترتـب وضعنـا وتزيـنـه بس الوزير أمسى على قطـن وحريـر= ياكـل عنـب بيـن الغصـون اللينـه يلعب علـى الحبليـن معـدوم الضميـر = ربـي يعيـن اللـي غـذاه وعينـه يصيـر هـذا الوضـع والله مايصيـر = تكفـون فـزعـه يالوجـيـه الديـنـه وسلامتكم ... منقول |
رد: الشعيروالوزير الا وانت الصادق يا وزير الزراعة انت نقص مافتنا بشي اترك المنصب لغير لعل فية ابركة ونفعة رايي الشخصي |
رد: الشعيروالوزير بيض الله وجهك ووجه صاحب القصيده |
رد: الشعيروالوزير يصيـر هـذا الوضـع ... والله مايصيـر = تكفـون ..فـزعـه يالوجـيـه الديـنـه صح لسان الشاعر ويا ليتك ذكرت اسم الشاعر |
رد: الشعيروالوزير سلمت اناملك على التقل وصح لسان شاعرها |
رد: الشعيروالوزير صح الساااااااانه ولاهنت |
رد: الشعيروالوزير لاهنتوويعطيكم العافيه وبالنسبه للقصيدة للشاعر:خالد الروقي |
رد: الشعيروالوزير صح لسان الشاعر / خالد الروقي . فعلا وصف دقيق لمعانة اصحاب المواشي والثروه الحيوانيه , لابد ان يكون هناك نظام ودعم للثروه الحيوانيه لأنهاأحد اعمدة الاقتصاد وتمثل رزق لشريحه كبيره من المجتمع . خاصه مجتمع الباديه . . . ربما لايقع كل اللوم على الوزير لأنه رجل تنفيذي وهناك مراكز قوى هي المسيطره على الوضع وتلعب بالاسعار واحتكار عمليات البيع . لذلك لابد من رادع لأولئك الجشعين من التجار وبالسرعه العاجله من قبل السلطا العليا ومن ولي الامر ......... والله نسال التوفيق . |
رد: الشعيروالوزير بس الوزير أمسى على قطـن وحريـر= ياكـل عنـب بيـن الغصـون اللينـه يلعب علـى الحبليـن معـدوم الضميـر = ربـي يعيـن اللـي غـذاه وعينـه صح لسسسسسان شاعرها وتقديري لك أنت أتعبونا وأتعبوا حلالنا الله يتعبهم وينتقم من كل من له سبب في ما يحدث من تلاعب |
رد: الشعيروالوزير عبدالله ماجد :فهمت الرد عطاك اياه ابوعبدالرحمن أبوعبدالرحمن وانت كذالك تقديرك ع الراس والله يعينايأهل الحلال على الي مايخافون الله لامن وزير ولامن تاجر |
| الساعة الآن 04 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |