|
الفزعه يا الربع السلام عليكم ورحمة الله وبركاته .. يا اخوان انا ودي ادخل بتجارة الابل لكن .. عندي بعض الاسأله اللي مخليتني ما ابدأ بهالمشروع الا وهي : لو اشتريت 5 نياق بسعر 5 آلاف للوحده بعمر سنتين وخليتهم عندي سنه لاني سمعت ان اللي عمرها سنتين ارخص من سعرها وهي عمرها ثلاث سنوات اذا, لقحتهم من بعير بـ مليون وشوي واذا ولدت بإذن الله اربي الحوار او الحواره لمدة سنه ليرتفع سعره هل يوصل سعر الحوار 40 الف ؟ وصرفية المياه للخمس نياق كم بالشهر او بالاسبوع ؟ آسف على الاطاله وياليت تردون علي بأسرع وقت |
رد: الفزعه يا الربع هلا اخوي الانتاج زين والتوفيق بيد الله لاكن ترا الناقه الكفو تساعد ع الانتاج وفيه حلال لوتشوفها ماودك الا تنحرها نحر لاكن بطنها ذهب وقد اغنت محتااااجين بعد التوفيق من الله والمويه اتوقع وايت سكس بالشهرين 160 والله يوفقك لكل خير |
رد: الفزعه يا الربع مشكور على ردك يعني احتمال كبير تجيب شي زين ولالا ؟ |
رد: الفزعه يا الربع كل شي بيد الله يا معاذ انت دور لك ابل مواجيه يعني انتاج ولا تحسب مصاريف البل لو انك تحسب ما حطيتها دايم |
رد: الفزعه يا الربع لوهي على الماء يامعاذ كان الامور هانت الله يرزقك . |
رد: الفزعه يا الربع الانتاج بركه من عند الله وبتشتري حقايق وتنتظرها لين تنتج بتمل من الابل وانت ما وصلت غايتك والابل لو مصروفها على الماء بس تهون الابل تبي طعام و عامل ومحل لضيفانك وعزبة لك وعزبة عامل |
رد: الفزعه يا الربع اسمع وانا اخوك الريجيل ما اغتنوا ألا من بطون البل ... دوّر لـك خمس مثل ماقلـت والبكار تبي لها صبر .. وتعـب .. تبي تلقالك ضرايبً موجهه من أم رابع ليا ام ثالث من 15 .. إلى 20 .. ( موجهه ) والناقه دورها كبير فالانتاج .. فاحرص على الشي اللي ينفعـك مستقبـلاً ... ......... والخمس ماراح تكلفك شي ... كلفتها بسيطه جداً وفايدتها كبيره ان تعبت عليهـا .. ......... وانصحك دوّر من الناس اللي تثق بنظرهم .. وشاورهـ .. والله كريم ... ........ |
رد: الفزعه يا الربع أخوي معاذ مساك الله بالخير من واقع تجربة بسيطة لي انا طال الله عمرك والمشاهدين انا شريت لي ثلاث نياق ثنتين جذعات وحدة مفرودة الجذعات طيبات والله شريتهن علي 60 الف والمفروده ب7 الالف ضربت حدا النياق من فحل غييثي وابشرك ولدت وجابت بكرة وسيمت الحوارة ب200 الف وسيمت امها لحالها ب150 الف والجذعه الثانية ضربتها من بعير اصفر كفو وأبشرك ولدت وجابت قعود اوضح فردي فردي سيم الحوار وعمره يومين ب40 الف والمفردة سبحان الله الخالق يم صار عمره حقه تغيرت والان عليها سوم 29 الف وانا مشتريها ب7 الاف وطال الله عمرك رجعت وشريت قعود اخو الجذعات ابوه فحل الامير سلطان بن عبد العزيز اللي مشتريه الامير من ابن صاهود وابشرك كسبن 30 الف ولابعت في النهاية الانتاج توفيق من الله سبحانة ثم الفحل الفحل صور الجذعات موجودات بالمنتدي في مسابقة الشيخ مبلش عليه رحمة الله |
| الساعة الآن 57 : 09 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |