|
الارض المساس والوخام دائما يقول الارض الفلانيه مساس وهذي وخام كيف يعرفون ذلك ؟ هل فيه نباتات تدل عليه ؟ ولو نزلت في ارض وخام وعلفت الحلال مع اللي هي تحصل هل ينفعها ام لا ؟ نبي العلم الوكاد من اهل الخبرة |
رد: الارض المساس والوخام مرحبا ياسالم مافيه نبت وخام فيه ارض وخام لو عشبها يزوف مايسر راعيته حتى لو عطيتها علف البل ماتركد فيه تلقها كنها تساق . |
رد: الارض المساس والوخام الحين بعد العلف كل الارض مسس بس تختلف راعتها في الحليب |
رد: الارض المساس والوخام فى رايى المتواضع ان الارض المساس هى الارض التى ينبت فيها الرمث |
رد: الارض المساس والوخام الارض الي فيها حمض تعتبر مساس والله اعلم |
رد: الارض المساس والوخام كما تفضل الاخوان الارض الوخام هي اللي ماترتع فيها البل مهما كان طيبها وتنوع نباتها ولي تجربة شخصية, في سنة من السنين شدينا لقاع ريح العشب مايخليك ترقد بمختلف الانواع ونصحنا الشيبان منها لانهم يعرفون انها وخام ومن يوم جاتها البل وداخلها جنان الناقة ماتوقف ولا تدنق في القاع وقهرنا حيرانها ولافيه فايدة تروح الناقة وتخلي حوارها ولكن نسال الله الرحمة في هذا العصر احتد الناس على القاع الوخام بسبب ندرة الامطار وانعدام المراعي والعلف ماعاد خلانا نعرف الوخام من المساس ولكن المشكلة في راحة البل ورتعتها |
رد: الارض المساس والوخام السلام عليكم ورحمة الله وبركاته ، كلام الاخوان صحيح . وأضيف على كلامهم ، أن حتى الانسان بعد سبحان الله ينضر من الارض الوخام ، يوم تجي القاع الوخام وتمسي فيهاا سبحان الله تصبح وأنت مريض وتعبان ولا انت شبعان نوم وعظامك توجعك ، لكن سبحان الله الارض المساس ، ترقد فيها ما تأخذ لك ساعه إلا وانت شبعان نوم وقايم متعافي وصحتك زينه ، والفرق بين المساس والوخام ، المساس الي يكون فيه الحمض والوخام يكون فيه نباتات واجد ولكن ما تنفع المطيه لو تعلفها ما يبين عليها تمسي بدينه وتصبح عليك ضمرانه تعد ضلوعهاا من وخام لارض ، تحياتي لكم . |
رد: الارض المساس والوخام حياك الله ياسالم كما تفضل الاخوان نبات الحمض من دلالات المساس ولا يعني ذلك ان كل ارض فيها حمض مساس لان الحمض صار ينبت في مناطق ماكانت حمض من اول ودلائل المساس كما تفضلو الشباب: 1-رتعة البل يعني البل ريضه ولا عجله مع اخذ بالاعتبار ان البل تستعجل في بداية العشب وتستدق حتى لو هي في ارض مساس لان الخضره تطيرها وهي ماتحصل شي. 2-رغوة البل ان لبن الناقه يصلق مثل لبن العنز مافيه رغوه فهذا دليل على وخام القاع. 3-كمية اللبن لان بعض المناطق تلقا الناقه يخف حليبها لدرجة انه يجوع حوارها. 4-براك البل تلقا البل اكثر وقتها بروك ومالها خاطر في الديره. يبقى موضوع العلف مع تنوع الاعلاف فيه مناطق كانت وخيمه ولكن مع الاملاح والحشايش والمكعبات تلقا ناقتها طيبه ولوانها في ارض مساس كان بتصير اطيب. تحياتي. |
رد: الارض المساس والوخام عليكم السلام ورحمه الله وبركاته مرحباياسالم ومشكور على طرح هذا الموضوع المهم والجدير بالنقاش لتعم الفايده من هل الخبره وهذا ماحصل بالفعل من مشاركات الاخوان ولاخلو لي شي اظيفه |
رد: الارض المساس والوخام الأرض التي تنبت حرمل غالبيتها وخيمه . بعكس أرض الحمض . |
| الساعة الآن 20 : 03 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |