|
وش أفضل علاج للــ....؟ السلام عليكم ورحمة الله وبركاته .. عندي يالربع بكرة سنها حقة مزيونة ملحا من اول ماشريتها وماعليها حال زود... المهم أول مرضها ..ماء بين السر والديد وقال لي البيطري انه كسل في الكبد وهو سبب الماء وعطاني منشط لللكبد لمدة أربعة ايام وعقب جاها ورام في الزور وتنفخت كراعينها ويدينها لان الماء نزل فيها وزاد الورام وقامت تذرق من ذاك اليوم فعطيتها ابرة الهيام ام 18 ريال ثم دبلت الابرة لها حقت الهيام الفرنسية بعد15 يوم وشراب الدود وكررته بعد 10 ايام وعطيتها شراب الذراق ..المهم الحين حالها ضعيف من شهر وتذرق وقللت عنها الماء ومنعت عنها البرسيم وبدلته بالرودس واشوفها تناوشه ولاتاكل..ابي شي يوقف الذراق لانها الحين جلد على عظم.. أبي شوركم يالربع الله لايريكم ماتكرهون .. |
رد: وش أفضل علاج للــ....؟ المرض هذا قد جا وحدة من أبلي و هي أزين ما أسرح و أضوي و أبطا معها و المرض هذا معدي و أسمة (( السلاق )) و المرض هذا مالة علاج كن الدعاء لله و علاجها الموت أو السوق أو الشفاء إذا ربي كتب لها الشفاء و الله يشفيها و يعطيك أحسن منها و العجم طلعها من الأبل قبل لا تعدي أماتها و المرض أكثر مايجي من اللقية و تحت أنا لله و أنا ألية راجعون |
رد: وش أفضل علاج للــ....؟ اخوي حمدان البكره بها ((سلاق)) هذي علاماته رح للبيطري وعلمه وخذلها علاجها |
رد: وش أفضل علاج للــ....؟ اخ حمدان .. لاتتعب نفسك بالعلاجات وانت ماتدري وش المرض أول شي اخوي حاول انك تسوي تحليل للناقه ( عند الزراعة ) للدمن والدم عشان تعرف وش السبب ووش العلاج المناسب ثاني شي اخوي حمدان السلاق أو الأسهال كثيره مسبباته واحيانا تكون المسببات للأسف مالها علاج والأفضل انك تعزلها عن المراح عشان ماتعدي النياق عندك . والاعراض الي على ناقتك بالنسبه للوريم بين السر والديد هذي علامة الهيام . وعلاج الأسهال : خفف العلف عليها وعطها أبرة ( تراي سلفا + أمبيسيلين ) لمدة 6 أيام متواصلة خذها من اي صيدلية بيطرية . ولا تشافت الناقه ان شاء الله عطها أبرة ( فيروسمايد ) 5 أيام عشان يروح الوريم . لكن أبسالك اخ حمدان انت قد أعطيت الناقه جره من زمان ؟؟ |
رد: وش أفضل علاج للــ....؟ ما قصرتو يالربع وكفيتو ووفيتو .. .. |
رد: وش أفضل علاج للــ....؟ والله ياخوي طلال ان البكرة توني شاريها من ٣ شهور وصحتها وشعرتها زينة ثم ضخنت عندي من شهر ولكن أنا ما عطيتنا جرة ابد.... |
رد: وش أفضل علاج للــ....؟ ماتشوف شر ياخوي حمدان لكن انا سألتك عن الجره لانه فيه بعض الناس الله يهديهم يسقون الجره للبل عشان تموت الدود لكن هالشي غلط ويضر على كلى الناقه ويسبب هالاعراض . |
رد: وش أفضل علاج للــ....؟ والله ان واحد من الربع عجز وهو يقول كل ماشافني عليك بوصفتي ووصفته وهو مجربها بنفسه ويمدحها هي ٢٠ حبة دود. ثم علبة زيت سيارات ثم علبة لبن كبير ويقول لي ابشر بالخير وقد قالها لي واحد لكن زودها فمجال جرة وبنزين ويقول انها مجربه وانا والله ما دخلت في راسي وهي كلها اسباب الله ينفع بها |
| الساعة الآن 26 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |