|
البعير عاف الناقه وش الحل السلام عليكم و رحمة الله وبركاته يا إخوان عندي ناقه طيبه بالحيل و ابي أضربها من فحل انتاجه مزاين لكن البعير عاف الناقه و لا ودي أضربها على غيره اللي يقدر يفيدنا وش انسوي جزاكم الله خير |
رد: البعير عاف الناقه وش الحل غير ملامحها واعرضها عليه مره ثانيه ... ابسط طريقة ركب عليها جنايب واعرضها عليه يضربها انشاالله حصلت كثير معي وبنفس الطريقه اظربها ولاكن البعارين تختلف وش نوع عياف البعير بعض البعارين يعاف اباعر راعيه ويحب الظرايب اللي تجيه من برا وهاذي لها طريقه بعد إذا كان انه يحب العريضه سق عليه من اباعرك من برا الشبك خله يحسبها عريضه من برا ويضربها وهاذي حصلت معي بعد وسقت عليه من أبلي من برا واضرب ,,,, اتمنى اني وصلت المعلومة ... |
رد: البعير عاف الناقه وش الحل تاكد ان الناقه ميسر اذا هي ميسر تاكد ان ما فيها بلاء والا مرض ان كان انها سليمه لبسها جنايب وشماله ودخلها عليه وان شاء الله ما يعافها |
رد: البعير عاف الناقه وش الحل خله مربوط يوم والا يومين مايظرب ودخلها عليه وبأذن الله يتم الامر حصلت معي نفس المشكله والحمدلله ظرب |
رد: البعير عاف الناقه وش الحل ثامر حاول تغش البعير زي ما ذكرو الاخوان بجنيبه واذا هي بكره حاول تاخذ من زور ناقه عشرا وتنثره على فقارتها وحول حياها والبعير الي يضرب واجد وعليه سراوات دايم يجي عيوف ويعاف الابكار خاصه وعسى الله يمنحك منه وييسر امرك وامر المسلمين |
رد: البعير عاف الناقه وش الحل الله يجزاكم خير و لا يهينكم إن شاءالله أطبق الشور المبارك من الجميع شرفتونا بالردود |
رد: البعير عاف الناقه وش الحل هلا بكم جميعا عندي نفسي المشكله اللي يوجه اخوي المطيري ؟:mwalat25: |
| الساعة الآن 30 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |