|
عشرين متن منقطعه ويبي الشور اسعد الله اوقاتكم بالصحه والعافيه الموضوع يااخواني زميل لي شراء له عشرين ناقه منقطعه من الجوع الله يغيثنا ويرخص الاعلاف المهم وصلت لشبكه الرجال بالبر اليوم واتصل بي وقال نبي اسرع طريقه لتسمينها مع رصد ميزنيه لارجاع الشحم فيها نبي الاخوان يعطونا الكميات من الاعلاف المطلوبه وارائهم مع العلم يوجد بها 8 خلفات |
رد: عشرين متن منقطعه ويبي الشور الله يبارك لخويك في حلاله عليك بالبرسيم 4 لبنات صباح و 4 مسيان و عليك بالمكعب سطل واحد مكعب الصوامع لانه هو الاجود والافضل لتسمين يعني كيس المكعب الواحد يكفيها ثلاث ليالي . و كيس واحد نخاله يكفيها ثلاث ليالي للمعلوميه النخاله ينفخ ابطونها فقط مايسمنها ولكنه ممتاز للابل واذا بتخلطه مع المكعب ما عندك مشكله . ولكن حاول انك تطعمه المكعب و النخاله قرايب غروب الشمس لانها بتبرك وهذا اطيب لها . والله يوفقك . |
رد: عشرين متن منقطعه ويبي الشور عليك بوافي وحده كافي اسأل مجرب ولاتسأل طبيب بتشوف الفرق فيها بسرعه عطها كيسين بس تدريجياً لين تتعود عليه ولا يمنع انك تعطيها عشاء والصباح عطها برسيم وراح تدعيلي |
رد: عشرين متن منقطعه ويبي الشور يامرحبا بضيوفنا وزوارنا الافاضل انا نصحته باربع بالات الصباح واربع بالمساء مع كيس شعير 50 كيلو اخر عصير والاخوان يعطونا خبراتهم في الموضوع |
رد: عشرين متن منقطعه ويبي الشور الابل لابد تعود ويدرجلها العلف الجديد سوا كان مكعب ولا نخال او شعير |
رد: عشرين متن منقطعه ويبي الشور اولا / قبل الاطعام يعطيها ابرة الدود والجرب اوفمك الفرنسي الازرق قيمته 75 ريال جرعتين كل 15 يوم جرعه او شراب الدود ابيض قيمته 20 ريال جرعتين كل 15 يوم جرعه او حبوب الدود القويه 5 حبات مقسومه 3 وبعد 15 يوم 2 قيمتها حول العشرة اريل ثانيا / املاح وفيتامينات الازرق الشد قيمته 25 ريال تعطيها لمدة 15 يوم يوميا وبعد ذلك في الاسبوع مرتين فقط ثالثا / عليك بالمكعب اسرع للتسمين وانتبه من الوافي يجيب خواريج مع المده والتعليف الطويل وان كنت منت عجل وقناي وبغيت سمنه على اصول وصح بدون خواريج البرسيم ناقع |
رد: عشرين متن منقطعه ويبي الشور 2 كيس يوميا للعموم سوى بعدين الخلفات ربطتين برسيم والجنبات 3 ربطات ذره وعطها علاج الدود هذا الطريقه الالى ولا 2 كيس شعير ورودس رولات ناقع وانصحك لا تعطيها مكعب المكعب خطير اذا زاد يذبح ويجيب خرجان وحظاه بديود الابل |
رد: عشرين متن منقطعه ويبي الشور السلام عليكم الاخوان ماشاء الله عليهم افادوك كثيراً ولكني اود التشديد على كلام الاستاذ خالد الفالح وبعدين خل الطعام قدامها على طول من حشايش وشعير او مكعب |
السلام عليكم ورحمة الله وبركاتة عطها البرسيم اللين يوميا بدون شعير ولا مكعب ولا جت ولا تبن راح تشوف البل تتغير عليكم كل يوم ابو صقر |
رد: عشرين متن منقطعه ويبي الشور ماقصروا الأخوان ... وركز على كلام ابو فالح ... |
رد: عشرين متن منقطعه ويبي الشور السلام عليكم اول شي طلع البيطري يشوفها ويعلمك العلاجات المناسبه البرسيم + مكعب الغدير او الصوامع ان حصل لك واحسب ان شاء الله 45 يوم وتشوف البل غير الله يبارك لك فيها ويصلح حالها تحياتي |
رد: عشرين متن منقطعه ويبي الشور 1- 4 لبنات برسيم صباح و 4 لبنات برسيم مساء 2- يحط عندها حبة رودس في الشبك و إلى كمل يحط وحدة بعد 3- 1 كيس صباح و 1 كيس مساء (( مكعب وافي )) 4- يعطيها في الأسبوع لقام شوار و طحين مرة وحدة في الأسبوع و كل ناقة 3 حبات و أتمنا أني أفتك و أسئل مجرب و لا تسل طبيب و شــــكـــرًا |
رد: عشرين متن منقطعه ويبي الشور شوف الخلفات تعزلها في شبك تعطى الخلفات عشاء نص كيس مكعب الصوامع مخلوط مع المجروش مع ربطة برسيم مع عيالها تمسي والصباح الساعة 8 تفك الخلفات وتعزل عيالها الى العصر ولاتنسى تعطي الحشو البرسيم والمجروش على العموم اشبع البل مع الخلفات الظهر برسيم وبالليل البل الباقية عطها المركز مخلوط مع المجروش يكفيها كيس واحد فقط وراح تشوف مايسرك بعد 3 أشهر |
رد: عشرين متن منقطعه ويبي الشور عليك بالعشير والبرسيم واشبعهااااااااا .. |
رد: عشرين متن منقطعه ويبي الشور لابد الكشف عليها اولا عن الامراض والدود لان اذا كان فيها دود ماراح تسمن بعدين عليك بغسيل الابل بالجاره عن الجرب |
| الساعة الآن 25 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |