|
مالحل اذا عافت الناقة ولدها بعد الولاة السلام عليكم ورحمة الله وبركاته ما الحل اذا عافت الناقة ولدها بعد ولادته مباشرة ( تذور ولده) ولا تدر ومشكورين على المساعدة مقدما |
ظيرها عليه |
اخوي عبدالله قبل التضيير جرب تحطها مع حوارها في شبك لحالها يمكن انها ترومه اذا كان مافيه خطر على الحوار منها كذلك الناقه هل هي بكر وللا عوان. |
أخوي عبدالله صح كلام علي ال مرعي حطها في شبك لحالها مع ولدها وأهم شي لا تشوف نياق |
أخوي عبدالله الشمري تحيه طيبه وبعد الله يهدي ناقتك لولدها ويطرح لك البركة فيها عندي ناقه بكر ولدت قبل يومين ونفرت ولدها وخلته حطيتها بشبك لحالها هي وياه ووسعت الشبك وحطيت عليه من الخارج رواق دائري على شان ماتشوف إلا هو وأبشرك رامت ولدها ورضع بس مثل ماقالوا الإخوان إن كانت تهبد الحوار وإلا تعضه فاحرص عليه وحاول ترضعه لين يقوم ويرضع من كيفه وخل الضيار آخر المطاف تحياتي لك |
صبحك الله بالخير يالشمري ...من شهرين ولدت عندي ناقه وعافت حواره وكان الحل هو اني عقلت الناقة من قدام وقربت الحوار عليها ويمكن في حدود الساعة او الساعتين ركبي الحوار وصارت تعطف عليه ..جربها والله يوفقك تحياتي لك مغليك حمد المحيربي |
اخوي المحيربي عقل الناقه وهي توها والد خطير لأن الناقه يمكن توهن ولا توارك خاصه اذا كانت ماتعاقل. |
الأخ/ عبدالله الشمري السلام عليكم ورحمة الله وبركاته،،،، اذا عافت الناقة ولدها حطلها رسابه (رسن) واربطها في كيس من التراب ثم ارضع الحوار منها واتركه امامها لمدة تزود عن الثلاث ساعات او اكثر وإنشاء الله تشيله أما عقلهافلا انصح به |
ان عافت حط لها رسن واربطها لين تركب ولاتفكها الا ليا سرحت وخل الرسن عليها وان عودت اربطها مره ثانيه وخله يرضعها |
| الساعة الآن 26 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |