منتـديـات مــزايـن

منتـديـات مــزايـن (http://www.mzayan.com/vb/index.php)
-   عيادة مزاين البيطرية (http://www.mzayan.com/vb/forumdisplay.php?f=3)
-   -   حد يقو لي وش علتها ؟؟؟؟ (http://www.mzayan.com/vb/showthread.php?t=33741)

حرصان اليامي 12 / 02 / 2011 59 : 09 PM
حد يقو لي وش علتها ؟؟؟؟
 
السلام عليكم ورحمة الله وبركاته

مساكم الله بالخيررر يالربع

ما نستغني عن معرفتكم وخبرتكم في الابل وفي امراضها
انا عندي خلفه وحالها طيب مره ووديتها للسوق ابيعها ولا عجبتني السومه وشليتها ورديتها لمكان غير شبكها عند بعير يضرب وعليه سرا ابي اكسبها انتاجها طيب ومن يوم نزلتها والناقه ماشافت الخير عيونها تهامل دموع وصارت كنها عسيف لصق بطنها بظهرها حطيت عندها برسيم وتمر وتلقط على الخفيف وصار لها اسبوع وهذا حالها وديدها كان ظاهر من يمين ويسار والحين يالله يشبع حوارها مع العلم اني افكها مع ابل في المكان اللي هي فيه الحين تسرح معها وتروح

وش علة ذا الناقه يالربع

أحمدالعشري 12 / 02 / 2011 52 : 10 PM
رد: حد يقو لي وش علتها ؟؟؟؟
 
هذا والله اعلم هيام وعجل بالعلاج الابره الهنديه الزرقا وحبوب الدود وكرر بعد اسبوعين وشاور في الامر

عبدالعزيز البريدي 12 / 02 / 2011 02 : 11 PM
رد: حد يقو لي وش علتها ؟؟؟؟
 
نعم هذي اعراض الهيام وانصحك بالفرنسيه اطيب من الهنديه وشراب الدود وعقب 14 عطها الهنديه وعقب اسبوع عطها حلبه مع الشعير وحاول تخمر الحلبه تلين شوي وسلامتك

حرصان اليامي 13 / 02 / 2011 28 : 12 AM
رد: حد يقو لي وش علتها ؟؟؟؟
 
الله حيهم ولا هنتو على الرد

بس يا اخواني شلون طار بها الهيام والجرباء سمين وسارح بها للسوق طيبه مافيها شي

محمد حمد المري 13 / 02 / 2011 30 : 12 AM
رد: حد يقو لي وش علتها ؟؟؟؟
 
مرحبااا ياحرصان الناقه منفضخه وعلاجها عطهاا ربابه |(تربيعه حولين السر) وجر منها مطرق لورا بأتجاه الديد طوله شبر وبأذن الله أن تشوف العافيه فيهاا ملاحظه.. بعد الكي بيوم تشوف مكان الكي منتفخ وهذاا دليل ان الكي صايد ودليل السلامه

مساعد العتيبي 13 / 02 / 2011 27 : 01 AM
رد: حد يقو لي وش علتها ؟؟؟؟
 
عطوووك العلم ماقصروا

سالم بن صمهود 13 / 02 / 2011 50 : 11 AM
رد: حد يقو لي وش علتها ؟؟؟؟
 
لاتنسا تعطيها غسيل الفناجيل احتمال صابتها عين ماصلت على النبي والعين حق

حرصان اليامي 13 / 02 / 2011 20 : 05 PM
رد: حد يقو لي وش علتها ؟؟؟؟
 
ابو حمد المري لاهنت اخوي وشلون منفضخه وش اللي فضخها

غسيل فناجيل من ولا من ماتقدر تحكم على من عانها بس الله يستر علينا وعليكم من الحاسدين

راشد العرق 13 / 02 / 2011 40 : 05 PM
رد: حد يقو لي وش علتها ؟؟؟؟
 
مرحبا ياحرصان الله يشفي ناقتك

ابو حمد يقصد انها انفضخت من التحميل ويمكن انك شلتها وهي رابخ وبطنها مليان من الماء والعلف والافضل منعها من العلف والماء قبل التحميل

محمد حمد المري 13 / 02 / 2011 22 : 06 PM
رد: حد يقو لي وش علتها ؟؟؟؟
 
مرحباا ياحرصان توضيح العرق صحيح الناقه انفضخت من التحميل ولالك إلاالكي مثل ماقلت لك


الساعة الآن 33 : 10 AM بتوقيت مسقط

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant
vEhdaa 1.1 by NLP ©2009