منتـديـات مــزايـن - ماهي اضرار اكل الدمن على البل !!

صفحة 1 من 2

عرض 40 مشاركات من هذا الموضوع لكل صفحة

منتـديـات مــزايـن (http://www.mzayan.com/vb/index.php)

- الأسئلة والإستشارات (http://www.mzayan.com/vb/forumdisplay.php?f=91)

- - ماهي اضرار اكل الدمن على البل !! (http://www.mzayan.com/vb/showthread.php?t=33698)

عبدالرحمن التركي

10 / 02 / 2011 20 : 01 PM

ماهي اضرار اكل الدمن على البل !!

الدمن ماهي اضراره وعواقبه على الحلال .... وماهو العلاج !!!
البل عندي تاكل رمث وارطى وعرفج وبرسيم والوافي
حتى المكعب الاحمر والملح دايم في احواضها ..
هل من حيله تكفون يا سنايدي

ناصر عيسى المنصوري

10 / 02 / 2011 58 : 01 PM

رد: ماهي اضرار اكل الدمن على البل !!

انا اللي اسمعه ان بعض الحبوب مثل الشعير والذره ماتنهضم ووتنزل
مع الدمن وهذا اللي يخلي الابل تهوي فيه .فجرب مره ولاتعطيها وخلها علفها حشايش بس
وان شاء الله يفيدونك الاخوان اكثر مني

خالد الحمادي

10 / 02 / 2011 47 : 02 PM

رد: ماهي اضرار اكل الدمن على البل !!

وش علاج اكل الدمن عند الابل

سعود الدوسري

10 / 02 / 2011 38 : 05 PM

رد: ماهي اضرار اكل الدمن على البل !!

ماله علاج نهاىيا

طلال الروقي

10 / 02 / 2011 31 : 08 PM

رد: ماهي اضرار اكل الدمن على البل !!

كلنا نفس مشكلتك ياعبدالرحمن ..
البل عندي ماتشبع منه
وعزالله ماهو من جوع
بس صارت عاااادة
اذا كنت تعطيها حب أقطعه عنهااا
هذا الحل الوحيد

عبدالرحمن التركي

11 / 02 / 2011 03 : 12 AM

رد: ماهي اضرار اكل الدمن على البل !!

شكرا لكل من ادلى برايه
شكرا ناصر المنصور
شكر خاص للاستاذ طلال الروقي

مشعل الشويش

11 / 02 / 2011 44 : 05 PM

رد: ماهي اضرار اكل الدمن على البل !!

أضرارهـ كثيرهـ أولهـا : يضرب بالسمـال ... وبالديدان ..

وأسبابـه : الشعير في المقـام الأول ... !!

......

حط الاعلاف والنخال والمجروش

أحمدالعشري

11 / 02 / 2011 04 : 07 PM

رد: ماهي اضرار اكل الدمن على البل !!

جرب ملح القصب

محمد بن عمير

11 / 02 / 2011 34 : 09 PM

رد: ماهي اضرار اكل الدمن على البل !!

ترى ماله حل وانا اخوك

وفيه ناس قطعوا الشعير مافاد لانه مع الوقت يصير طبع

لكن الحل الناجح

اللي 100%

لاتطول فمراحك ان كانك شابكها غير الشبك كل شهر وكبره

وان كانك في بر غير محل الوايبت كل شهر او 3 اسابيع

عبدالرحمن عبدالعزيز

11 / 02 / 2011 47 : 09 PM

رد: ماهي اضرار اكل الدمن على البل !!

اكل الدمن

يبداء حاجة وينتهي بعاده مثله مثل اكل الشعر
لا يوجد حلول فلو لم تأكله في مراحك أكلته في المفلىء والا في مراح غيرك

من مشاكله الديدان والامراض المعوية الاخرى
وافضل حل للموضوع هو :

1- إعطاء الاملاح باستمرار صيف شتاء
2- إعطاء كورس شراب الدود مرة ويكرر بعد 14 يوم على الاقل كل ستة اشهر

اتمنى للجميع التوفيق

عبدالرحمن التركي

11 / 02 / 2011 56 : 09 PM

رد: ماهي اضرار اكل الدمن على البل !!

شكرا لجميع الاخوان الذين شاركو بردودهم
شكر خاص لاخي عبدالرحمن بن عبدالعزيز

سلطان اللويحق المطيري

12 / 02 / 2011 02 : 09 AM

رد: ماهي اضرار اكل الدمن على البل !!

لا تعطي البل خاصة الحبوب إلا مجروشه أو مكبوسة و كذلك بعد غسلها خاصةً الشعير و كثر لها البرسيم الخضر أما المراح مثل ما قالو الأخوان اذا كان شبك فعليك بتنظيفه يوميا و رشه بالجرة أسبوعيا و أبطحه بالدفان شهريا كذلك الاملاح مهمه وبعض الأخوان جرب الجرجير الأخضر يقول زين لأنه فيه مرارة و ملوحة

عبداللطيف السعيدي

12 / 02 / 2011 04 : 07 PM

رد: ماهي اضرار اكل الدمن على البل !!

الحل انك تطلب الله بس ..
كلنا نشكي من هالظاهره ..
بالنسبه لي قطعت الشعير حول الشهرين ،، وعلفت برسيم فقط ،،
ومع لك استمرن في أكل الدمن .
أنجح الحلول أجدها مع اخوي محمد الروقي .

جابر ابوشهاب

13 / 02 / 2011 39 : 08 AM

رد: ماهي اضرار اكل الدمن على البل !!

اقتباس:

المشاركة الأصلية كتبت بواسطة عبدالرحمن عبدالعزيز (المشاركة 437048)

اكل الدمن

يبداء حاجة وينتهي بعاده مثله مثل اكل الشعر
لا يوجد حلول فلو لم تأكله في مراحك أكلته في المفلىء والا في مراح غيرك

من مشاكله الديدان والامراض المعوية الاخرى
وافضل حل للموضوع هو :

1- إعطاء الاملاح باستمرار صيف شتاء
2- إعطاء كورس شراب الدود مرة ويكرر بعد 14 يوم على الاقل كل ستة اشهر

اتمنى للجميع التوفيق

كلام سليم ونتمنى التوفيق للجميع

عبدالعزيزالتويجري

13 / 02 / 2011 13 : 09 PM

رد: ماهي اضرار اكل الدمن على البل !!

دام الدمن فيه ريحة حب او مكعب فهي راح تاكله

ثم بعد ذلك تتطعم طعم الملوحة وهذا سر جذبها وتعودها عليه

جربوا الملح الخشن دايم في معلف

حتى لو كنت بارض حمض

الملح يبطئ عملية تسمين الحلال بهذه الطريقة

آخر المشوار لاتدقق بالحيل

والله لايجيب شر

الساعة الآن 51 : 12 AM بتوقيت مسقط

صفحة 1 من 2

عرض 40 مشاركات من هذا الموضوع لكل صفحة

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant