|
رايكم بالقعود ..؟ سلام عليكم ورحمة الله وبركاته ,,, يالربع عندي قعود ابي رايكم فيه العمر / مفرود. اللون / مجهم. ام القعود / دوسريه هويمليه من خيار البل. آب القعود / عكيريشان بعير مسلم بن راشد الهواملة والبعير ولد الطعم بعير مبارك الكربي المري. |
رد: رايكم بالقعود ..؟ اصبر عليه |
رد: رايكم بالقعود ..؟ أسعد اللـه مساك .. القعود عـادي .. ولا هـو نظيـر .. ووجهه ماهوب ذاهـن واذنه .. تقاصفه .. وعرقوبه أركز .. بإختصـار : الحكم على أصله .. وخواته .. وأمه .. وأبيـه .. ساسه ومغراسه هـو الحكم ! أما على شكلـه : فـلا يهدّ .. ( وجهة نظر قد أكون مخطي .. والاخوان يفيدونك ) |
رد: رايكم بالقعود ..؟ بصراحة لو اني في مكانك على طول وبدون مشاورة اودية اقرب قصااااااب |
رد: رايكم بالقعود ..؟ دام ساسه قوي إصبر عليه وأنا خوك |
رد: رايكم بالقعود ..؟ شكله : ما يهد .. امسكه لاصله .. |
رد: رايكم بالقعود ..؟ ما ني معلق على شكله دام اصله طيب ان كان ذا اصله ومتاكد فالشكل مطلوب والساس يرجح رايي اصبر عليه وبتشوف اللي يسرك |
رد: رايكم بالقعود ..؟ القعود له طرقة الفحل وشكله لاهوب الاقصا واللهوب الشين ولوني مكانك الصبر عليه والله يباركلك ورجع واقول فيه طرقة الفحل |
رد: رايكم بالقعود ..؟ الله يسمح أمرك يابو جاسر بس نصيحتي لك .. لاتعتمد على هالقعود إعتماد كلي .. خله عندك ، ودور غيره |
رد: رايكم بالقعود ..؟ راحة با مليون ريال صامل |
| الساعة الآن 44 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |