|
مجاراتي للشاعر عبدالله علوش قصيدة الشاعر الكبير عبدالله علّوش ماعاد يرضيني وفا ولايزعلني جفا = متساوي في خاطري ظلم العرب وانصافها ولا تاقف الدنيا على شمع الغرام اللي طفا= بعض الشموع انا اتعمد كسرها واتلافها من اول لخفيت لي علم عن الناس اختفا= واليوم هذي حالتي مابه حد ٍ ماشافها قعدت احسب وش ربحت ووش خسرت ووش صفا= حي رؤوس اموالنا قبل الطمع باضعافها تعبت ادور فالقلوب البارده ليلة دفا= والقى استغلال النفوس وكذبها واجحافها حتى اقرب العالم لو يوقف معك وقفت وفا= اصبر وتدري وش دوافع وقفته واهدافها عاد انت يالوجه الجديد اللي تبي وصل وصفا= حبال وصلك شوف لك ناس تمس اطرافها انا على موعد مع واحد وكانه مالفا= ما عاد ابيش من السنين سمانها وعجافها لاني عقب مارمش عيني صاحب النوم وغفا= حلفت ما رده على اشيا من عرفها عافها العشق وامراض المحبه واستحالات الشفا= واغلب علاقاتي مع العالم اشوف انكافها وذالحين عن اذنك وسامحني اذا لساني هفا = نفسيتي ماعادني بقدر على لطافها والموعد اللي كنت قبل شوي جالس له عفا= ما جا ودقايق موعده راحت وقدني خلافها وهذي مجاراتي له حيث أن موضوعه اللي تطرق له حرّك هاجسي قال الذي ينحت بيوته لابدع نحت الصفا=وشرد القوافي لاعصت غيري فأنا عسّافها أصعد دروب ٍ كايدة من سارها يشكي الحفا=راعي شداد ٍ مستوي مانيب فوق أكتافها هاضتني بيوت ٍ لبن علّوش مبحوث الخفا=اللي بها يشكي من الصحبة وجور خلافها ووالله مالوم الهاجري لاصار عوّد وأنكفا=من صحبة اللي لا تغطت ماسترها لحافها يبي رجال ٍ طبعهم في عصرنا هذا انتفا=وعزي لقوم ٍ ضيّعت مبدا وسلوم أسلافها وين الصديق اللي يخفف عنك همّك لا لفا=ووين الرجال اللي بهم شيمة تعز أعرافها ووين الرفيق اللي تعدّه للشدايد يوقفا=حزام حنب ٍ تستقيم العوج لامن حافها هذا زمان اللي تساوا عندهم وجه وقفا=وروّح زمان أحرارها وجمالها وأشرافها لاجيت أقيّم مثلهم في الوقت هذا وأنصفا=لقيت تقييمي لهم من عشرها لانصافها يامكثر اللي للردا والضعف والخبث حلفا=ولا الشهامة والوفا والطيب وين احلافها الكفو لا من شاف له خمله من النايد رفا=وأما الزلايب عثرة الأجواد تجري خلافها الله على نو ٍ يغيث الأرض لامنه ضفا=من شان رجلي في الخلا ماتشتكي وقـّافها مشي الخلا للكفو لامنه مشا طب وشفا=ولا البهايم همّها مشروبها وأعلافها |
رد: مجاراتي للشاعر عبدالله علوش وين المجاراه ؟ |
رد: مجاراتي للشاعر عبدالله علوش هههههههههههه ارحب يافلاح المجاراة عندي طالعة ركز شوي وتشوفها تحت البدع تقديري لك |
رد: مجاراتي للشاعر عبدالله علوش الله يسعدك بس مافي شي هههههه |
رد: مجاراتي للشاعر عبدالله علوش والله ياخوي فلاح كلها عندي طالعة الصوت والصدى أشكرك على كريم مرورك لاهنت |
رد: مجاراتي للشاعر عبدالله علوش صح السان الشاعر عبدالله علوش وصح اللسانك على المجارات الرائعه الجزله وأعجبني البيت.......... الله على نو ٍ يغيث الأرض لامنـه ضفـا من شان رجلي في الخلا ماتشتكي وقّافهـا  |
رد: مجاراتي للشاعر عبدالله علوش أرحب يامبارك صح الله بدنك والحمدلله ان المجاراة طلعت عندك لاهنت على كريم مرورك تقديري لك |
رد: مجاراتي للشاعر عبدالله علوش بيض الله وجهك يا الاكلبي مجاراه وافيه وجزله |
رد: مجاراتي للشاعر عبدالله علوش قال الذي ينحت بيوته لابدع نحت الصفا=وشرد القوافي لاعصت غيري فأنا عسّافها أصعد دروب ٍ كايدة من سارها يشكي الحفا=راعي شداد ٍ مستوي مانيب فوق أكتافها هاضتني بيوت ٍ لبن علّوش مبحوث الخفا=اللي بها يشكي من الصحبة وجور خلافها ووالله مالوم الهاجري لاصار عوّد وأنكفا=من صحبة اللي لا تغطت ماسترها لحافها يبي رجال ٍ طبعهم في عصرنا هذا انتفا=وعزي لقوم ٍ ضيّعت مبدا وسلوم أسلافها وين الصديق اللي يخفف عنك همّك لا لفا=ووين الرجال اللي بهم شيمة تعز أعرافها ووين الرفيق اللي تعدّه للشدايد يوقفا=حزام حنب ٍ تستقيم العوج لامن حافها هذا زمان اللي تساوا عندهم وجه وقفا=وروّح زمان أحرارها وجمالها وأشرافها لاجيت أقيّم مثلهم في الوقت هذا وأنصفا=لقيت تقييمي لهم من عشرها لانصافها يامكثر اللي للردا والضعف والخبث حلفا=ولا الشهامة والوفا والطيب وين احلافها الكفو لا من شاف له خمله من النايد رفا=وأما الزلايب عثرة الأجواد تجري خلافها الله على نو ٍ يغيث الأرض لامنه ضفا=من شان رجلي في الخلا ماتشتكي وقـّافها مشي الخلا للكفو لامنه مشا طب وشفا=ولا البهايم همّها مشروبها وأعلافها صح لسااانك ملايين طلعت لما سويت اقتباس :mwalat38: |
رد: مجاراتي للشاعر عبدالله علوش اقتباس:
ارحب ياعايض ووجهك أبيض ولا عليك زود تقديري لك |
رد: مجاراتي للشاعر عبدالله علوش اقتباس:
صح بدنك ولاهنت على جميل مرورك تقديري لك يالوافي |
رد: مجاراتي للشاعر عبدالله علوش اقتباس:
صح لسانك يابو عمر وصح لسان بن علوش ابدعتوا لاهنت |
رد: مجاراتي للشاعر عبدالله علوش صح لسانك على القصيده الجزله ولا تحرمنا جديدك |
رد: مجاراتي للشاعر عبدالله علوش مجاارااه لها طعمها الخااص ووفيت وكفيت يالاكلبي مجارااه واافيه بيض الله وجهك واليوم ارتويناااا شعر وزوودنااا من جديدك طال عمرك وصح السان ولسان ابن علووووش |
رد: مجاراتي للشاعر عبدالله علوش اقتباس:
ارحب ياعقاب صح بدنك ولاهنت تقديري لك |
| الساعة الآن 54 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |