|
بغيت خدمه من اهل الخبره ناقتين السلام عليكم ورحمة الله وبركاته أسعد الله مسأكم بكل خير ويسعدني ويشرفني ان أتواجد بينكم انا ناوي اشتري ناقتين مجاهيم للحليب لوالدي الله يطول بعمره والحقيقه انا ماعندي خبره ابد ابد ناس قالو عليك بالمجاهيم وناس تقول المغاتير وانا والله احترت !!! وش أفضلهن .. وكم الاقي اسعارهم واذا فيه ابن حلال ينصحني جزاه الله خير ويوسع له برزقه ما حبيت ادخل السوق خوفا من الغش وقلة خبرتي |
رد: بغيت خدمه من اهل الخبره ناقتين نصيحتي لك ياخوي أشتر مجاهيم لأن لبنها واجد وهي أرخص و لها جاذبية وفي سوق الأبل بالأحساء أبل أهلها محتاجين و بيعهم من عشرة آلاف إلى خمسة و عشرين إلى عشرين وحولها و الله يوفقك ياخوي فهد الناصر |
رد: بغيت خدمه من اهل الخبره ناقتين وعليكم السلام ورحمة الله حيا الله اخونا فهد الله يطول بعمر والدك ويجعلك ممن يبرون بوالديهم ويجزاك عنهم الجزاء الأمثل .. أنا أشير عليك طال عمرك أن تشري للوالد ناقتين منايح مجاهيم فالمجاهيم أمهات الحليب الواجد وإن شاء الله يتيسر أمرك مادامك بار بوالديك وإن شاء الله الأخوان فيهم الخير والبركه بيدلونك على أطيبهن حليب وطبع .. وأسعارهن تتراوح بين 11 - 16 ألف |
رد: بغيت خدمه من اهل الخبره ناقتين ارحب ياخوي ... انا انصحك بالمجاهيـــم كانك تبي الحليب ..؟ والحمر السواحل ترى حليبها طيييب جداً ... وفيهن هداوه .. وحتى اللي ماهيب هديه تقدر عليها ! وعندنا فالطائف اسعارها معقوله ( منايح فقط ) مافيهن زيـن ... ..... وحنا ماحنا بمقصرين معك يالنشمي بالمشوره واللي نقدر عليه ... ...... أخوك |
رد: بغيت خدمه من اهل الخبره ناقتين الله يطول اعماركم ماقصرتو والله وشاكر لكم تشريفكم لي وابداء ارائكم من وين تنصحوني اشتري ودي اعرف ولو انكم بتضحكون علي لكن تستاهلون وش معنى منايح ؟؟ |
رد: بغيت خدمه من اهل الخبره ناقتين حياك الله اخوي فهد المنايح طال عمرك الابل اللي للحلب فقط تسمى منايح يعني الخلفه والخلفه هي اللي معها قعود او بكره وانصحك طال عمرك انك ماتشتري من السوق عليك براعي المراح وعسى الله يرزقك |
رد: بغيت خدمه من اهل الخبره ناقتين الحق علي يالدوسري تكفى اذا حولك رجال ثقه وسعره معقول شرريت منه والله متردد ادخل السوق من كثر ما اسمع عن الغش والله يبيض وجهك على المعلومه |
رد: بغيت خدمه من اهل الخبره ناقتين لك رساله على الخاص |
رد: بغيت خدمه من اهل الخبره ناقتين نصيحتي لك .. وجزاك الله الف خير والله يطول فعمرك والدك وعمرك ان تشتري لة حمراء لان حليبهااا حلو وزين تحياتي |
رد: بغيت خدمه من اهل الخبره ناقتين ابشر بسعدك عندي لك ثنتين مجاهيم اشباب هدايا مصاغير ولك شهر كامل اذ طلع فيهن اي عذروب مرجوعات جوال 0569025588 ابو خالد |
رد: بغيت خدمه من اهل الخبره ناقتين بيض الله وجيهكم ياالغانمين |
رد: بغيت خدمه من اهل الخبره ناقتين شرفتوووني بتواجدكم |
| الساعة الآن 03 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |