|
%% قعود للي يبي يتفرج على معايير الزين%% بعد التحيه والاحترام للعموم اعرض عليكم قعود من ابل الامير سلطان بن عبدالعزيز سنه ( لقي ) ابوه بعير العزيزي ( الشيخ) وامه رقم (2) في المنقيه الثانيه,والصوره والله ثم والله هاظمةً زينه ولا اقولها مكابره لاني شايفه على الطبيعه يعلم الله اني انبهرة منه خاصه في عرنونه اللي تقول راساً لحاله وارجو انها تعجبكم. http://www.mzayan.com/vb/images/uplo...45f491637a.bmp http://www.mzayan.com/vb/images/uplo...45f73c7fb8.bmp |
ماشاء الله تبارك الله الله يطرح فيه البركه يعطيك العافيه يا عيد الميزاني تحياتي |
ماشاء الله تبارك الرحمن ناهي الله يستر عليه والشيخ كل أنتاجه زين والله يبارك للأمير سلطان في حلاله لاهنت ياعيد أخوك |
مشاء الله تبارك الرحمن القعود طيب ويوجد فيه ملاحظات منها الصدر طايح ومعايير الزين التي ذكرت لايوجد سوى العرنون فقط ( راي شخصي) |
هلابك ياغالي يعطيك الف عافيه ماشاء الله والله يطرح البركه |
ازين مافي القعود راسه والله يطرح البركه |
ماشاء الله |
الاخوان محمد المطيري محمد العتيبي سليمان التميمي عبدالعزيز التميمي فيصل ابن مرخان سعد السهلي [size=9]اشكركم على مروركم العطر على موضوعي.[/size] بالنسبه يا اخوي محمد العتيبي لو تشوف القعود على الطبيعه للتغير نظرتك له لأن الصوره ماهي موضحتاً زينه كامل وتقول الصدر طايح القعود يوم صورته توه رافع راسه من الرعي والشي لوتشوفه طلق بدون قيد والمغتر راس وانا احترم وجهة نظرك . |
عيد مساء الخير انت ذكرت في عنوان الموضوع ان مايير الزين توجد في هذا القعود ومعايير الزين كثيره ومن الصعب انها توجد في قعود واحد الا ماقل ( والكمال لله سبحانه وتعالى ) ومعايير الزين كثيره وكل عضوا من الاعضاء له وصف لاكن في المغتر التركيز على اربعة اشياء هي الاهم 1- الراس 2- الرقبه 3- الظهر ( الغارب يكون طويل ومتسند & السنام فاهك ) 4- العرقوب هزع هذه اهم المواصفات ولا كل عضوا له وصف حتى الوبره لها وصف تقبلوا تحياتي |
مشاء الله تبارك الرحمن القعود طيب ويوجد فيه ملاحظات منها الصدر طايح ومعايير الزين التي ذكرت لايوجد سوى العرنون فقط |
اعتقد ان التصوير لم ينصف القعود وخصوصا في الصوره الثانيه يعطيك العافيه |
ماشاءالله تبارك الرحمن والله يطرح فيه البركه ويبارك لهله لاهنت |
مشاء الله تبارك الرحمن القعود طيب وفالك المليون اخوك بو سعد |
ماشاء الله تبارك الرحمن طيب والله يبارك لراعيه فيه |
وجدي علا مثله مع الذود وجداه _ ليته على جنب الرحول محدودي |
| الساعة الآن 43 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |