|
استفسار الله يجزاكم خير السلام عليكم ورحمة الله وبركاتة انا عندي استفسار واريد منكم معلومات عن الاستفسار عندي ابعير اعفر سنه لقي يجذع بعد شهر وابوه ابعير فهد بن فريج الشكره اريد منكم الله يجزاكم خير معلومات عن ابوه وصور ابوه ان وجد ولكم مني جزيل الشكر |
رد: استفسار الله يجزاكم خير بعارين ابن فريج واجد وش ابوه منها وابشر بالمعلومات والصور ان بغيت وهل انت شاري ولا مضرب |
رد: استفسار الله يجزاكم خير مرحبا اخوي خالد البعير مهدا علي يومنه حق وهالحين لقي بيجذع الشهر الداخل والبعير طيب بالحيل وابغي اثبت ابوه اي واحد والي مهديه علي يقول ابوه اطيب فحول ابن شكره والي مهديه يقولي ابوه الهرش |
رد: استفسار الله يجزاكم خير فحول ابن فريج الشكره طافحان الهرش غير موجود عنده الان من 4 سنوات اصغر انتاجه ثنوات واكيد ماهوب هو شرهان الهرش بعير احمر من انتاج بعارين ال شويه من ناقة كفو وباعه من ثلاث سنين على ابن حثلين واصغر انتاجه جذعات وحده منها شراه ابا الروس من عمير في الصفقه الاخيره من ضمن العشر كحيلان اوضح برده شاريه مفرود من ابن اغصين المشاويه رحمة الله عليه واكبر انتناجه جذعات ذا الشتاء وانتاجه خصم ومن بناته مع ابن فريج مفروده وصل سومها900 الف والضاهر انها بيعت على عبدالعزيز بن تركي ولا ادري وش قعودك عليه من الاثنين ان حبيت الاستزاده كلم على الجوال ذا فهد / 0554440878 شرهان ؟؟؟؟؟؟؟؟؟؟ |
| الساعة الآن 15 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |