ياهل البكار اللي من العام تشرون=تريحوا مافي دبشكم طماعـــــــــه
جتكم مقاديم السطر تدحم الكون=فام الرقيبه ماتدور شفاعـــــــــه
من حولت ماهمها اللي يصيحون=تاطى على كنوز الذهب والقناعه
صفرن تسوق الفوز وابليس ملعون=ولها على كسب المحنا استطاعـــــه
من شعشعياتن كما الدر مكنــــــــون=ولاكما ضوح النهار وشعــــــــــاعه
ذهب ذهب فالحرز والحفظ والصون=ذهب ذهب من حقه أليا ربـــــــــاعه
تعمي لك عيون وتكحل لك عيون=وحتى اطلق منافس تحقق ضياعه
متكاملات الوصف والشكل واللون=ولها على حصد الجوائز براعـــه
مرخصلها مليون في سد مليون=يوم الردي يقصر وتقصر ذراعه
ابل السعيد منزحة كل دندون=تصدرة من غير سمعن وطاعه
نعم اقوله يوم غيري يقولون=من هاجسن مايلتفت للاذاعه
في داخله للشعر معنى وقانون=وروح القصايد تحت كفه وداعه
جاكم يبارك مرهي المد والعون=مايشكي ضروف الفقر والمجاعه
مغنيه ربه خالق الملك والكون=ومن غير ربه مايدور شفاعه
يقول ياهل الصفر ياللي تحدون=تريحوا مافي دبشكم طمـاعه