|
الوضح + الوسرة + الجلال السلام عليكم السؤال يمكن يفيدني فيه اهل الوضح خص *مع المزاين الحالي اسمع كلمة اهم شيء في الوضح الوسرة وش معنى الوسرة ؟ ** في العرض شاهدت بعض الوضح وبرتها مهيب صافية وقلت لراعيها ليش ما جللتها قال الجلال للمجاهيم ؟ هل صحيح أن المغتر ما تجلل ؟ إن كانه صحيح فراحه ورباحه وشكرا للافادة |
رد: الوضح + الوسرة + الجلال الوسره هي الجنب حسب معلوماتي |
رد: الوضح + الوسرة + الجلال المغاتير سنامه متنكس الجل شين عليها |
رد: الوضح + الوسرة + الجلال مشكورين ولابعد حصلت الاجابة اللي تبرد الخاطر وين اهل الوضح والنظر |
رد: الوضح + الوسرة + الجلال مرحبا يا بو لاحم الجلال على المغاتير غير مناسب لانه يضيع زينها ولا المجاهيم زينه بجلال وبدون جلال شكرا |
رد: الوضح + الوسرة + الجلال من وجهة نظري أن { الجلال } ماله لون معيـن ،، أما من ناحية الوسرة أي { التناسق في مستوى جمالية الناقة } ، وللمعلومية أيضاً { وسرة الطير } يعني حتى الطيور لها وسرة وأقصد بالطيور ( الصقور ) هذي حسب منظوري ولعل الغير يعطيك غير كلامي ، |
رد: الوضح + الوسرة + الجلال الوسره تعني طول الله عمرك شكل الناقه وعمرها هذا اقرب شي للوسره |
رد: الوضح + الوسرة + الجلال الوسره يالطويل العمر لوقتها بالعين يعني تجذب الناس متجانسه في شكلها |
رد: الوضح + الوسرة + الجلال الوسرة مثل ماقالو الربع يقال عن الناقة وسرها زين والبعير وسره زين والمعنى الناقة نظيرة ومتناسق الزين فيها أو منظرها جذاب والكلمة توصف جميع مواصفات الزين في جسم الناقة ولا يشمل الراس |
رد: الوضح + الوسرة + الجلال مثل ماقالوا الربع الوسره هي التقاطيع أو معالم الجمال في الناقة يعني التناسق الجمالي الجلال مثل ماقالوا الاخوان |
رد: الوضح + الوسرة + الجلال وسرة المطيـه : جنبها وقطعتها ككل .. طل عمرك .. منول الوضحى راس ورقبه وسناديه وحلا ظهر ولون .. وذا الحين قاموا يهتمون بجبر الوضحى ووافي عظاها .. وزين وسرتها . والجلال : يحطونه على المجاهيـم .. ويزيدها نظاره ويحافظ على لمعة وجمال وبرتها ولونها ويجحد عيزهااا << الله يستر من ابو شهااااااب !! أما المغاتير ككل ظهورها مزينتها من غير جلال .. ولا داعي للجلال .. ولو أني قمت أشوف بعض الناس يحطه ... ....... تقديري للجميـــــــــع |
رد: الوضح + الوسرة + الجلال اقتباس:
ههههههههههههه ما تخلونا في حالنا الله يصبرنا عليكم عطايا الرحمن كلها طيبات ولكن ابو ذعار ما فيه حيله ما يطوووووف شكرا |
رد: الوضح + الوسرة + الجلال الوسره يا الحبيب هي الوسامه والحلا والقبله والشوق والملح |
رد: الوضح + الوسرة + الجلال الوسره هي المواري اي مواري الناقه وبمعنى آخر مواصفات او مميزات الشي او الشكل العالم للناقه او غيرها يقول الشاعر ابن جافور حينما سأل عن الوانيت القديم قال: وسرته وسرة السبوق اسردن يعجب الركاب يتعب اللي عطاه الحوق مير يكثح وراه اتراب |
رد: الوضح + الوسرة + الجلال نوم عيني يابوشهاب ..... المجهم صحيح زينه بجلال ولا بدون |
| الساعة الآن 00 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |