|
تتت خاف ربك يارع الجيب من شيل الصخال=شوف لك دنه وخـل الجيـوب وشانهـا حط لك دنه وفـي مهنتـك روح وتعـال=زينـك بسـوق الغنـم فـاتـح بيبانـهـا خل عنك الجيب لهل المشاويـر الطـوال=كل قرمً همته عاليً نيشانها كل قرمً شوحته تتعب رخوم العيال=المعالي يطمح يكون احد فرسانها منهم اللي في هواء البوش وخيارالحلال=ذا يقديهـا وهــذى مـعـى حيرانـهـا وذى يعس القـاع لاجـاه همـال الخيـال=والبذيـرة تستميـل النـظـر ريضانـهـا زين شوفه باول الـذود زينـات السبـال=لاقبلـت مثـل الطوابيـرفـي ميدانـهـا يردع اولها وهـي تطربـه زيـن ودلال=مايغبـط اللـي يكيـل الذهـب باوزانهـا كان يردعها رع الجيب واعطاهـا مجـال=وراعـي القعـدة ركبهـا وفـك عنانهـا في نحرها كـل عـدواً مزينهـا الحيـال=والفتـى هـذي وراهـا وذيـك اوزانهـا زين شوفه لاعطى الخط مع جرد السهال=فرجتاً ماتسمع الا عوا سرحانها وزين شوفه لاعفا الخل في بطن الرمـال=وشفت مع درب المواترقطـع صيجانهـا ذي نماذج من هل الجيب يارع الصخـال=شوف لك دنه وخـل الجيـوب وشانهـا سالم بن صمهود |
رد: الجيب و؟ مع اني من المعجبين بك وبشاعريتك الجزله واني احبك في الله يابوفيصل لكن تبقبى نعارت اهل البل فيهم ههههههههه للمعلوميه تراني كما تعرف ماعندي صخال هههه يعطيك العافيه على القصيده الرائعه يابوفيصل |
رد: الجيب و؟ صح لساااااانك والجيب لرااااع اللزوم رااااااعي غنم ولا إبل كل منهم يدور مصلحة نفسه شكراً |
رد: الجيب و؟ لاهــــنت ياسالم على القصيده الطيبه |
رد: الجيب و؟ لكن تبقى نعارة اهل البل فيهم ههههههههه (صدقت اخوي خالد) اضحك الله سنك اخوي خالد على صحه وعافيه وطاعه انا وانت واخوي سالم وكل من يقرا ولو اني مثلك ماعندي صخال ولكن مالنا ولجرح النفوس فايده وبكل الاحوال اخوي سالم صح لسانك |
رد: الجيب و؟ صح السانك وبيض الله وجهك |
رد: الجيب و؟ ههههههههههه صح لسانك ياشاعر |
رد: الجيب و؟ اقتباس:
شكراً لك على المرور |
رد: تتت صح لسانك شاعر مبدع لكن وش فيها الصخال ؟من الحلال و نعمه من عند الله والرسول صلى الله عليه وسلم رعاها و يتشرف الجيب انه يشلها :mwalat4: اخوك |
رد: الجيب و؟ اقتباس:
|
| الساعة الآن 17 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |