![]() |
نصيحتكم يا هل الهجن ورايكم السلام عليكم ورحمة الله وبركاته الاخوه الاعزاء هل الهجن والمختصين واصحاب الراي عندي موضوع وودي كل واحد يشارك فيه برايه الموضوع عن التضمير والتفحميم وتدريب الهجن معلومكم ان اكثر هل البل معهم وسط حلالهم هجن والي وحده والي ثنتيتن والي ثلاث ناس عندهم جديه وناس يطردون حظهم فيها ويتعنون للفحول الطيبه وينتجون منها لكن ما هم هل هجن اذا جاء وقت التدريب حملوها وشافوا ولهم سوداني والا مضمر وتقاطعوا معه اما بالشهر والا بالنص وصاروا رايحين ورادين واشغلوه واشغلوا نفوسهم لا يقدرون يهدون حلالهم ولا استامنوا للمظمر شغال في حلاله ولا عنده من الطواري باس وحلالهم اذا صارعنده خبر انهم جايين قرب القليصه وقطع كبدها وان جاوا وهي في المراح قال توها جايه واشتغلهم من شهر في شهر على سالفت عادل امام الساعه بخمسه جنيه والحسابه بتحسب واخرتها اما زعلك وخلاك تاخذ مطيتك والا سامها منك بقيمة بخسه والا شاف له ناس يسومونها بقيمه وان ما ما بعت قال شل مطيتك وعطني النص غير البطاقات ولتمر والبرسيم وكل يوم طالع لك بسالفه وانت ترجاء الله وتقول مثلي مثل ذا العالم والناس ما جراء عليهم جراء علي السوال الي يطرح نفسه ايش تسوي معهم ووين تلقى راعي الذمه وخص ان بعضهم تنحرج حيث انت الي جايه وعن طريق معرفه الي قال الاول ان رفعتها في الشارب وان طمنتها في اللحيه واكيد ان كل واحد عنده تجربه ودي اعرف ايش احسن طريقه ممكن اني اتفق معهم ولا هي معقوله اني اهد حلالي في ايديهم |
رد: نصيحتكم يا هل الهجن ورايكم مرحباااااااااااا يا بوسالم الي عنده حااااااااااشي متعوب عليه لايودعه سودااااني لا بفلوس ولا النص واجد المضمرين الي يستادعون الحشوان الطيبه من الاركاب المعروفه نصيحه الي عنده شي طيب يدورله مضمر جيد ومعروف وويدعه انتبهو من السودانيين مامن سبوق كنسلت عند سوداني وخذوها الرجال وباعوهااااا بالذهب وتقبل تحيااااااااااااااتي |
رد: نصيحتكم يا هل الهجن ورايكم اقتباس:
|
رد: نصيحتكم يا هل الهجن ورايكم الاخ العزيز مثل ماقالو الاخوان الحاشي الطيب اللي امه طيبه وعلى بعير معروووف بالانتاج بيجونك الرياجيل يدورون لها دواره اما اذا كان الحاشي مجهول الله يعينك |
رد: نصيحتكم يا هل الهجن ورايكم احسن طريقة اذا كان الحاشي معروف ابوه وامه هذا لاتشيل همه المظمرين الي بيجونك ويشلونه من عزبتك لكن اذا كان الحاشي غير معروف الاب والام مافيه الا سوداني لكن تقدر توصي عليه من المظمرين السعوديين الي دائماً متواجدين من يحضر تفاحيمه ويمر على عزبة السوداني بين الحين والاخر وارجع وقول دور السوداني راعي الذمه اذا كان السوداني ماعنده ذمه ابعد عنه لانه ما راح يخلص في عمله وكل شيئ على بركة الله وتوفيقة |
الساعة الآن 43 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |