|
جرح في فم الناقه ......عطنا رأيك ....... السلام عليكم ورحمة الله وبركاته ......صبحكم / مساكم ....الله بالخير ....ياوجيه الخير .....عندي ناقة غالية عندي .....خلفه ...بعد ولادتها بشهرين ....شانت حالتها وقل حليبها .....وصارت ماتاكل الا قليل ....وخاطرها شين ...ونشدت البيطري وقال عطها ابرة هيام الفرنسيه وعطيتها معها حبوب دود ....وزانت الناقه .....ورجعت مثل ما كانت .......لاكن شانت بعد اسبوعين .....وعطيتها بنسلين ..لمدة يومين ......وزانت الناقه ....لاكن شانت بعد اسبوع ........واليوم قلت بعطيها حبوب دود وفتحت فمها ...ولقيت المشكله .....(اللثه العليا من الامام ..من عند التقاء الشفتين _ان جاز التعبير - )والياء فيه جرح كبير متورم وكأنه متفجر ...ولونه صاير ابيض مثل الحرق ....ولاتداني اللمس فيه ....وكلمت البيطري قال حط عليه بخاخ ازرق ......وكلمت واحد من الشياب قال حط عليه ملح ......ومكان الجرح دايم رطب .....سؤالي .....هل احد مرت عليه هالحاله ......؟؟؟كيف يتم معالجتها .......؟؟؟؟؟هل يعمل مثل الجروح بشكل عام .....؟؟؟؟والشكر موصول للجميع |
رد: جرح في فم الناقه ......عطنا رأيك ....... سلام عليكم يابدر علاج ناقتك اخذ لك ابره حجمها كبير وشق النفخ اللي في فمها وحط علاه ملح وان شاء الله تطيب (شقه لين الدم اللي فيه ينكفي) |
رد: جرح في فم الناقه ......عطنا رأيك ....... مرحبا يابدر اعلاجها البخاخ الازرق . |
رد: جرح في فم الناقه ......عطنا رأيك ....... اخوي محمد الغنامي ....اخوي محمد ابو عدوه ... شكرا على تفاعلكم ...وعلى ردودكم ......لاكن من لديه الخبره او الشرح الكافي عن مرض الحمام ....؟؟؟؟ والشكر موصول للجميع ... |
رد: جرح في فم الناقه ......عطنا رأيك ....... اخوي بدر هو مرض الحمام علاجه انك تشقق النفخ هذا لين ينكفي الدم اللي فيه وتحط علاه ملح وبس |
رد: جرح في فم الناقه ......عطنا رأيك ....... بيض الله وجهك يابن غنام ..... الناقه بديت استخدم معها البخاخ الازرق ....وانظف الجرح من بقايا العلف كل عصر .....والناقه تاكل اكل طيب وصارت احسن والجرح بدا يطيب ... نشكر من رد على الموضوع .....ومن مر على موضوعنا ....... |
رد: جرح في فم الناقه ......عطنا رأيك ....... الحمد لله على سلامة ناقتك والله يبارك لك فيها وزيادة على الموضوع للفائده الحمام عبارة عن انتفاخ يصير في اعلى فم الناقة كانه بالونه مليانه ماء علاجه : تقوم بعمل فتحات في هذا الانتفاخ والافضل كذالك قص الهدب الموجود في فم الناقة وهناك كي في اعلى راس الناقة عند مفرق شعر الراس هذا والله اعلى واعلم |
رد: جرح في فم الناقه ......عطنا رأيك ....... وجهك ابيض يابدر والله يباركلك في الناقه وحلالك كله |
| الساعة الآن 31 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |