|
الفزعه يا اهل الخبرة في هذا الورم الخبيث بسم الله الرحمن الرحيم السلام عليكم ورحمة الله وبركاته اعضاء هذا المنتدى الرائع اطلب منكم الفزعه يحث ان عندي خلفه ظهر فيها ورم في البطن والزور ويوم تظغط عليه مثل العجينه وتوه بداء فيها علما انه سبق انه قضى على ثنتين من اول عندي قبل ست شهور وهن القحات حيث تبداء حاله الناقله في التردي وقلت اكلها حتى تموت وما خلينا عنه طب عندنا حيث ان هذا المرض تسبب في موت بل واجد عندنا في المنقطه عند كذا رجال فما هي مسبباته وطريقة علاجه بارك الله فيكم 0 |
ارحب ياحمود الله يرفع عنك ويعافي ناقتك أن شاء الله يفودونك الأخوان |
الله يبارك فيك وفي الاخوان ياخوي راشد |
الاخ / حمود هذا مرض ابوجريجير واعتقد ان البعض يسميه ابو المناحر وعلامته مثل ماذكرت بالاضافة ان الناقة اذا كانت خلفة يقل لبنها ولا يجي له رغوة الى ان تغرز نهائي وهذا المرض حالة متقدمة من الهيام وعلاجه نفس علاج الهيام فعجل بأخذ العلاج من البيطري وعليك بالابرة الفرنسية للهيام قيمتها تقريبا خمسين ريال والمرض معدي وقاتل لذلك عالج الناقة واعزلها من باقي البل مع العلم ان الاطباء يقولون اذا اعطيتها الابرة ان العدوى لاتنتقل ولكن الحرص واجب لان المرض خطير وقاتل ومعدي وحسب علمي ان الابرة لاتعتبر علاج نهائي فالمرض يعاود ويلزمك كل اربعة اشهر تعيد العلاج مرة اخرى وعسى الله يعوض النقص بالبركة |
بارك الله فيك اخوي مسعود وفعلا المرض خطير وقاتل لدرجه انه عندنا في المنطقه يقلك الواحد الورم هذا ماله علاج حيث تطببوا فيه ناس واجد صاب بل عندهم ولا عرفوا له وياليت لو تعرف اسم الابره الفرنسيه وهل له علاج شعبي او كي وجزاك الله كل خير |
الاخ حمود هذا المرض يسمونه البدو ابودبه او السقي وهو في الاساس دود والورم هذا ياتي في المراحل المتقدمه من المرض وكما قال الاخ مسعود الابره الفرنسيه طيبه وهي ابرة جرب لكنها تذبح الدود وكذلك فيه حبوب دود مركزه لونها اصفر كذلك طيبه تعطى حبتين كل عشرة ايام ولكن النصيحه يجب عليك مبادرة المرض بالعلاج قبل مرحلة الورم واخطر شي يمكن يذبح الناقه ام الورم هو الطرد او الهجيج وفيه علاج مجرب ورخيص هو الثوم تعطيها لقام عجين بداخلها الثوم على شكله او مقطع ولكن افطن لا تكثر الثوم ثم تعيفه الناقه وتبلش. ولايمنع من جمع الدوا الشعبي والبيطري والله اعلم وشكرآ. |
بسم الله الرحمن الرحيم السلام عليكم ورحمة الله وبركاته الاخ على بارك الله فيك وعلى الوصفه التي قلتها وفعلا اني عطيت الناقه من الابره الفرنسيه 20سم التي برضك قال عنها اخوي مسعود ويجي على العلبه صوره جمل وعطوني معها ايضا مضاد حيوي وكل شى بيد الله سبحانه وابي من الاخوان اللي مر عليهم المرض ويعرفوا له وصفات شعبيه مجربه ان يزودنا فيها لخطورة هذا المرض على الابل عفانا الله واياكم ويستفيد من الوصفات ايضا كل زوار الموقع ولكم خالص الشكر والتقدير 0 والسلام عليكم ورحمة الله وبركاته |
على ما قال الاخوان ابره الهيام سواء الفرنسيه او الهنديه لكن كرر عليها الابره |
الاخ حمود مر على البيطرى كمال الى فى طريق المدينه |
السلام عليكم ورحمة الله وبركاته الله لايهين الجميع والله يجزاكم خير على الإجتهاد الطيب والمطلوب منكم ومن أمثالكم 1) تنضف الناقه من القردان لان القراد يعدي إذ إنتقل لاناقه ثانيه 2) تضع الناقه في شبك أو تبعدهامن البل وتحاول الن الخادم اوالراعي يكنس طرحها المعروف الدمن عزكم الله لانه يعدي البل إلى تاكله 3) تعطيها أبرت الهيام كل 15 يوم لانه إذ عطيتها مره أو مرتين وتركته ينتكس المرض عليها مره وحده ويودي للموت أي أعطاه لين الطيب مره وحده 4) الحبوب الدود المركز ثلاث كل السبوع والنصحك لاتتركه حتى ولو تضن انها طابت لاتتركه الملاحظه الأخيره بدايت المرض هذا تسمع حشرجه هذي اول علامات المرض المعروف أبودبه ثم بعد فتره تظعف وتاكل مثل البل أواكثر بس في الوقت نفسه تلاحظ الدقه الناقه لان الدود في الكرش وبعد فتره يخرق الكرش ويظهر الماء ويظهر الأعراض في الجنوب خلاف الكراسيع وفي النحر والرقبه عند ما تسمع الحشرجه تعطيها الحبوب الدود ولاتعطي المعشر إلاي قبل 4 ) اشهر و النصحك فنجال سم مثل صبة القهوه مادة (15) مع زيت عافيه في غرشه ماء أبوريال وتكدره في حلقها وبعد سبوعين تكرره مره ثانيه وبإذن الله الطيب للإستفسار 009745244029 |
وعليكم السلام ورحمة الله وبركاته الاخوان سليمان التميمي ومحمد العطوي ومنصور الهاجري بارك الله فيكم جميعا وفعلا يا اخوان عطيت النا قه الابره الفرنسيه واسمها CYMELARSAN وايضا معها مضاد حيوي اسمه OXY200L.A وخف الورم شوي ومن عطيت الابره الان ثمان ايام تقريبا وغسلتها عن القراد بسميه وقمت وعزلت الناقه عن الابل وزي ماقلت اخ منصور لنه سبق عطينا ناقه الابره مره واحد وانتكس عليها المرض وماتت والله يبارك فيكم ويجزاكم خير وان شاء الله اني ابشركم ان كتب الله لها الشفاء 0 والسلام عليكم ورحمة الله وبركاته |
السلام عليكم ورحمة الله وبركاته أخوي حمود ما أعرف اللي تغسل بكره في ماء بارد و ملح كل اليوم والاخ منصور ما قصرات بيض الله وجه والسلام |
الله يشفيها ويحميها من كل شر لاكن عطها الحبوب الدود المركز كل سبوع ثلاث حبات اذاكانت مهيب معشر كل أسبوع ولاتقطعه حتى لو بغيت تقطعه ماتقطعه على طول النشاء الله ينقطع بذن الله أوتشفاء |
المرض المذكور هو مايسمى ابو دبه وابو النحور وله عدة اسماء علاجه ابر الهيام وعزل الخلفه عن جنينها تسلم فالبعض لا يغادرها المرض والبعض يشفى منه ولكن عزل الحوار من امه ضروري جدا واعطائها ابر هيام تقبلوا تحياتي |
السلام عليكم ورحمة الله وبركاته بارك الله فيكم يالاخوان جميع واقول لكم امس عطيتها الابره الثانيه وانشاء الله هي في تحسن والحمد لله حيث ان الورم خف شوي علما انها اول من الورم يادوب تمشي وبالنسبه لحبوب الدود باذن الله سوف اعطيها منها وماقول غير بيض الله وجيهكم جميع والله يوفقكم 0 والسلام عليكم ورحمة الله وبركاته |
| الساعة الآن 54 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |