تكفون يالاهل العرف والمعروف
 

عندي ناقة ثنيه من اطيب الابل دقاق واكلها بسيط ودمنها اكرمكم الله صغير وقوي ومن الربيع وحنا نعالجها بابرة الهيام بجميع انواعها وابرة السوبر اوفمك والمضادات الحيوية والحين طلع في مطلع ارقبتها من الصوبين يمين ويسار ورم كبر الكف ولا ادني احد يلمسه من الوجع وضربتها بابرة درتازون حقت الاورام وراحت اورامها بس اسبوع وعودت على وضعها الاول وذالحين لاحد يبخل علينا وشكررررررررا

رد: تكفون يالاهل العرف والمعروف
 

هذا الهيام بمرحله متطوره
ملاحظه الورم تقول مثل المعجون اذا ضغطته
والعلاج ابر الهيام وللمعلوميه هالمرض مستعصي وعانيت منه كثير بااطيب نياقي لين ماتت الله يخلف علي وعلى كل مسلم باطيب منها

رد: تكفون يالاهل العرف والمعروف
 

الاخ ناجي
ناقتك دمنها يجي دقيق وطويل وراسه مدبب
اذا هذا شكله فاناقه اللي فيها جرح او شوكه وهو اسمين لنفس المرض ويبين في الناقه اذا بركت تبرك على ثفنتها اما اليمين ولا اليسار

وعلاجه كي وبسيط باذن الله وتقوم ما فيها الا العافيه

اما بالنسبه للي في مطلع الرقبه فهذي نواجم في بدايتها وتتعب الناقه معها في البدايه واذا طلع راس الناجمه خفت ولا بقي الا اثرها
ولها بعد كي من جهة الناجمه وهو مطرق على الحالب اذا بدا من فوق الزور وعلى الرقبه من قدام الناجمه

رد: تكفون يالاهل العرف والمعروف
 

اخوي ناجي انا ايد اخونا راشد هذا جرح الكليه وله كيه في خو الشاكله ثلاث ارقم على شكل اثاثي او مشط وانشاء الله ماتشوف شر .
وتأكد من وزر الناقه اذا مخالطه دم

رد: تكفون يالاهل العرف والمعروف
 

اخوي ناجي ارسلي رقم جوالك على الخاص اذا كان دمنتها دقافه مشوكه مثل وصف اخونا راشد العرق ..
وماقدامها الا العافيه ..