|
ارجوا الدخول في هذا النقاش (حب صاحب الابل ) السلام عليكم اخواني هناك نقاش يدور حول حب صاحب الابل نعلم مدى حب الناقه لمن يملكها وهذا لا يختلف عليه اثنين ولكن هل تعلم مدي حب الناقه لصاحبها ام ؟ ارجوا من الاخوان سرد القصه التي تبن مدي حب ناقته له وستكون لي اجابه وقصه هناك مع الصور موضح لكم من عجائب هذا المخلوق سبحان الله شكرا لكم على المشاركه اخوكم سلطان |
رد: ارجوا الدخول في هذا النقاش (حب صاحب الابل ) والله يا سلطان الوالد الله حفظه قد تعب وقعد في الرياض ما يقارب شهر ثم قال ابي اروح للبل قلت ابشر وروحنا يوم جيناهاء تجمعة عند الجيب وما قدرة والله انزل كل اللبل على الجيب وحتى والله اني اشوف دموعه في عيونها ولاهنت على الموضوع المتميز |
رد: ارجوا الدخول في هذا النقاش (حب صاحب الابل ) اشكرك اخي الله يعافي والدك والمفروض انك في ها الحضه تكون مستعد لتصويره لتعلم مدي حبها له وقصتي مقاربه لها ولكن بالصور وستنشر عن قريب بس اتمنا من الاخوان سرد القصص وبعدين يشوفون قصتة الوالد معها بالصوره |
رد: ارجوا الدخول في هذا النقاش (حب صاحب الابل ) وحده من البل لعمي وراح مده وزارنا واحد من الجماعه يشبهه طويل ولحيته بيضا ويلبس نظارات وراح يتوضا وشافته الفاطر وهي تطلع من البل وتروح له سيده ويوم قربت منه قال يالربع الناقه ذي وش علمها ويوم سمعت صوته وهي تنصفق وتعود لماتها . |
رد: ارجوا الدخول في هذا النقاش (حب صاحب الابل ) وليش ما تحب الابل اصحابها يا اخوي انا بقولك قصه بروحي مش مستوعبها .. ولا حضرتها للامانه بس ياللي سمعتها منهم ناس ثقه .. الاولى .. انه وحده من البكار كل ما اييون عيال معزبها سيده يروحون الها .. ومن يدشون وهيه تلعب وياهم لين يروحون وتموا على هالمواس فتره .. وفي يوم غفلت الام من وحاد من عيالها يحبي .. واثاريه يوم شاف خوانه راحوا للابل .. تبعهم يحبي .. ودخل التفحيمه .. وسبحان الله قدر الله انه الابل استغربت منه .. وقامت تربع حوله يمين ويساره .. ولا بالبكره توقف فوق الولد وتفك يدينها وريولها وهو تحتها وتهدر كنها بعير وهيه يا دوبك حقه ولا يذعه .. والطفل تحتها .. ولا بالام تشوفه وتصرخ .. وتجمعوا العالم على هذاك المنظر الغريب .. بكره تحط الطفل بين قوايمها وتحميه من الابل ياللي مذعوره منه .. " سبحان الله " .. والثانيه عندنا واحد من الشواب الله يرحمه .. سمع بناقه سبوق عند جدي الله يرحمه . ومن اصايل البوش .. سار وشترى ناقه من نفس المربط .. بعد وسنين والناقه وياه وهيه بكره .. لين فطرت .. والله قدر وتوفى راعيها .. بعد مرض .. وفي اليوم ياللي توفى فيه .. جيرانه ما دروا عنه موته .. بس تموا يسمعون حنين الناقه بشكل غير طبيعي ومركاضها في التفحيمه بشكل جنوني .. .حتى قالوا انه اكيد الناقه ضابها خراش .. وبعد ما رجعوا عرفوا خبر انه صاحبها توفى .. وخبروا بقصتها .. فيا سبحان الله ياللي يقول الابل ما تعرف ولا تحس ... والله شوقتنا بقصتك يا اخوي .. وفي انتظارك ... |
رد: ارجوا الدخول في هذا النقاش (حب صاحب الابل ) اكثرو من هذه المواضيع لانها مفيده لهل البل وغيرهم من المجتمع والله يشفي ابو متعب امين |
رد: ارجوا الدخول في هذا النقاش (حب صاحب الابل ) اقتباس:
اللهم امين ..بس وش العلم يا اهل السعوديه .. عسى بو متعب ما زايد عليه شي !؟؟؟ اخوانكم من الامارات |
رد: ارجوا الدخول في هذا النقاش (حب صاحب الابل ) هذي قصة واحد شايب (احواله الماديه ماش) عنده ناقه مغتر حايل لها اكثر من خمس سنوات ...والناقه مزيونه بالحيل يعمكن قيمتها فوق 500 الف ...ونشدته قلته ليه ماتدبرت فالناقه ....وسقتها على فحل طيب ..يمكن الله يرزقك منها انتاج طيب ..... قال هذي ماتعرفها ....هذي اذا نمت عند البل في ظل الجيب جات لين تبرك جنبي واذا جاء شي من البل قامت تعظها لين تطردها عني واحيان اكون صاحي وارقبها ....ولاودي الدكاتره يعورونها والله اني اجزع عليها ولا اروح من عند البل لين يسمح خاطرها ...واخصها بالاكل عن ساير البل ............,,ويقدر الله وامر من جنب نياقه ولياه نايم في ظل الجيب وهي باركه جنبه ......ولو ماشفتها قلت يمكن يبالغ ...... |
رد: ارجوا الدخول في هذا النقاش (حب صاحب الابل ) القصص مع الابل واجد وحبها لراعيها ولكن لي عوده لاهنت على الموضوع ياسلطان |
| الساعة الآن 48 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |