|
طلـب مشـوره : (( مجهـــم بمواصفـــات مغتـــر )) ! السلام عليكم .. ورحمـة الله وبركاتــه ... أخواني ...؟ اسعـد الله مساكـم بالخير .. وطاعـة الرحمـن ... عُرض علي بكــره لقيــه غرابيــــه .. ومواصفاتهــا مواصفــات مغتـر .. راس مغتر .. وأذن مغتـر .. وجنب مغتـر .. وكل مامنهـا ألاّ لونهـا .. والبكره على الشرط مافيها سر باكستانـي أبـد .. وانا شفتها على الطبيعـه .. ولـو أنهـا مغتـر .. انكان تجيب اسعـار طيبـه جداً ... انا رجالً ابي اترزق الله .. وحبيـت استشيركـم هل لهذا النوع رغبه عند ملاك الأبل .. وهل عليهـا طلب أم لا ..؟ خصوصاً أني سمعـت ان عليهـا طلب كبير هاليوميـن .. والبكره سعرهـا فوق 30 بشوي .. وهل تصلح انتاج .. ؟ .... ( اعتذر عن ارفاق صـوره ) لإن البكره ماهيب ملكــي .. ولكن هذا طلب مشوره فقط .. ! .... أخوكم |
رد: طلـب مشـوره : (( مجهـــم بمواصفـــات مغتـــر )) ! وعليكم السلام ورحمة الله وبركاته والله ان ودي افزع لك لكن للاسف ليس لدي معلومه بهذا الخصوص الشباب مايقصرون ان شاء الله يابن عاصم |
رد: طلـب مشـوره : (( مجهـــم بمواصفـــات مغتـــر )) ! ارحب تراحيب وبل الوســم ... يالله حيّـه مــدد بـلا عـدد .. انت مجرّد مروركـ يسوى عنـدي الكثيييير يابوفالـح .. لاعدمتـك يا ابن العـم ... . . . تقديري |
رد: طلـب مشـوره : (( مجهـــم بمواصفـــات مغتـــر )) ! وعليكم السلام ورحمة الله وبركاته اللي أعرفه أن هالشكل من البل فيها عرق باكستاني أما من طرف أمها أو أبوها .. والله أعلم الشي الثاني أن هالبل مايرغبون هالانواع لأن اللي يبي مجهم بيدور مواصفات وزين المجهم واللي راعي مغاتير بيدور المغتر اللي مواصفاتها وزين المغاتير بصراحة لو أنا مكانك إستخرت عنها وتركتها وهذا رأيي والله يرزقنا وياك الرزق الحلال المبارك بوفيصل |
رد: طلـب مشـوره : (( مجهـــم بمواصفـــات مغتـــر )) ! يامشعل مساك الله بالخير لا اعتقد ان اهل المجاهيم يرغبون مواصفات المغتر ما عدا الضهر متاخر اشوي اما الاذن فحلات وتميزالمجهم باذنها لكن تصلح لاهل الصفر ان كان وسرتها مغتر لا ضربت من اصفر طرحت دهما دلما باذن الله اما القيمه والشراء فهذا تقييم مشاهده حسب رغبتك ونظرك وحاجة السوق ورغبته |
رد: طلـب مشـوره : (( مجهـــم بمواصفـــات مغتـــر )) ! هلا يابن العم الناقه الملحاء الى اذانيها خرع مثل المغاتير على حسب كلامك غير مرغوبه عند اهل المجاهيم خاصه ثانيا سعرها غالي لو انها من 15 الف وتحت ممكن الواحد يغامر يس 30 واجد لاتستعجل وشاور والله كريم |
رد: طلـب مشـوره : (( مجهـــم بمواصفـــات مغتـــر )) ! 30 واااااااجد |
رد: طلـب مشـوره : (( مجهـــم بمواصفـــات مغتـــر )) ! كيف الحال يامشعل اذا البكره ناهيه في العمر وجرمها كبير وهي على قولتك مافيها سر اجنبي وراسها كبير وزين فاشتر وتوكل على الله |
رد: طلـب مشـوره : (( مجهـــم بمواصفـــات مغتـــر )) ! أنا رأيي من رأي خالد الفالح ومؤيد 100% |
رد: طلـب مشـوره : (( مجهـــم بمواصفـــات مغتـــر )) ! حياك الله اخوي واذا كانت البكره جرمها كبير وطويله وعضمها جليل اشتر بحدود الثلاثين اما انكانها جرمها صغير وعظمها دقيق وزوحا ومافيها اللا الوجه اتركها. |
رد: طلـب مشـوره : (( مجهـــم بمواصفـــات مغتـــر )) ! اررررحبوا الله يسلمكم .. وبيض الله وجيهكم الكل با اسمه .. ولاهنتوا على الردود المهمه .. والراقيه التي تنم عن خبره عميقه عريقه في مجال الابل .. لاعدمناكم ... ... ... ... والله يكتب اللي فيه الخييييير للجميـــــع |
رد: طلـب مشـوره : (( مجهـــم بمواصفـــات مغتـــر )) ! ان كانت البكره مزيوونه وخيـار ومافيها سر باكستاني اشترها وتوكل على الله وضربها بعير اصفر زي ماذكر اخوي والله يرزقك .. |
رد: طلـب مشـوره : (( مجهـــم بمواصفـــات مغتـــر )) ! وعليكم السلام ورحمة الله وبركاته اخي انا مع صوت اخي عبدالعزيز البقمي واضم صوتي له |
رد: طلـب مشـوره : (( مجهـــم بمواصفـــات مغتـــر )) ! اللي اشوفه واضح في الاسواق ان التركيز عند الاغلبيه على السبله حتى لجان التحكيم في اكثر المزاينات يقدمون اللي اسبالها ضافيه ولو اذنها وبعض مواصفاتها غير مرغوب فيها اذبح اكثر الشرايه والشريطيه على السبله |
رد: طلـب مشـوره : (( مجهـــم بمواصفـــات مغتـــر )) ! أرحب يامشعل هاذي صفرا مغاتير يسمونها أهل الصفر الدلما ولا العباديه وتلقاها مع اهل الصفر كثير ويحبونها ومرغوبه وبعض اهل الوضح يحطها فصله مثل حثلان السبيعي . |
| الساعة الآن 57 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |