|
الفاطر حليبها مالح وش الحل ؟ الاخوة الاعضاء السلام عليكم ورحمه الله وبركاته عندي فاطر ولده قبل 15 يوم وجابت بكرة ولله الحمد لاكن المشكله ان البكرة ما تغير حالها من يوم ولدة وما طلع سنامها يوم اني ذقت حليب امها لقيته مالح وش الحل . مع العلم ان اعطيها كل يوم بعد العصر شوي تمر وشوي شعير وشوي نخاله ( شوار ) وشوي مكعب الصوامع ونصف لبنه برسيم وفي الصباح نصف لبنه برسيم مكرمها بالحيل ويش السوات يا جماعة |
رد: الفاطر حليبها مالح وش الحل ؟ اقتباس:
ان شاء الله الشباب ماهم مقصرين معك في اعطاء المشوره لكن انا عندي ملاحظه شعير ومكعب مايصلح ياشعير يامكعب هل انت تنظفها من الحليب يوميا؟ |
رد: الفاطر حليبها مالح وش الحل ؟ الف شكر اخي خالد الغزلي |
رد: الفاطر حليبها مالح وش الحل ؟ نظفها من الحليب يوميآ وإنشاءالله ترى تحسن |
رد: الفاطر حليبها مالح وش الحل ؟ حياك الله اخوي والفاطر مادامك مكرمها بالعلف احلبها اقل شي في اليوم مرتين صباح ومساء وان ما حلبتها حليبها بيبقى مالح ولاراح تستفيد بنتها بالعكس بتذرق وعليها خطر يذبحها الحليب المالح تحياتي. |
رد: الفاطر حليبها مالح وش الحل ؟ اسمعني عليك بالبرسيم وبس ونظفها 3 مرات باليوم وذق حليبها بعد 3 ايام وبتسرك لكن انتبه من الحليب لا ملح تراه يضر الحواره واذا ماتغير طعم الحليب البلا بالناقة اذا الحوارة غالية ضيرها |
رد: الفاطر حليبها مالح وش الحل ؟ كلم مجرب نظفهاا يوميناا وشفها بعد سبوع اذا كتب الله انها تغير والله لتغير |
رد: الفاطر حليبها مالح وش الحل ؟ حليب النااقه فـي بادايت ولدها ( لباء ) مهوب حالي واجد وهو عشان يقوم عظم الحوار بـس انت ماشاء الله عليك مشكله لها الاعلاف جميعها :mwalat19: لا تعطيها اول اسبوع برسيم عطها تبن الله يكرمكم عشان مايكثر على الحواره الحليب واكتفااااء با الشعير يكفي هو والبرسيم بعد اسبوعين او اسبوع ونص |
رد: الفاطر حليبها مالح وش الحل ؟ شف للبكره جروره بعض الفطر مافي حليبها فايده العام ولدت عندي فاطر وبعد شهر الا شعفة البكره على جنبها من الضعف واقرب بكر جابت قعود سحبناه وحطينا البكره مكانه والان اطيب المفاريد بالحال وامها لقحت من وقتها بفضل الله تقبل تحياتي |
رد: الفاطر حليبها مالح وش الحل ؟ وعليكم السلام والرحمه اخوي خذ العلم من مجرب .. عط الناقه شعير بس لمدة شهر او زياده ونظف الديد علشان مايرد فيها الحليب ويذبح حوارك وبعد الشهر عطها اللي تبي ودمت بكل خييير |
رد: الفاطر حليبها مالح وش الحل ؟ حياك الله أخوي والفاطر مادامك مكرمها بالعلف أحلبها أقل شي في اليوم مرتين صباح ومساء وأن ما حلبتها حليبها بيبقى مالح ولاراح تستفيد بنتها بالعكس بتذرق وعليها خطر يذبحها الحليب المالح و شكرًا |
رد: الفاطر حليبها مالح وش الحل ؟ خف الطعام يا ماجد على الفاطر كانك تبي الحواره وقصرها على الرودس وحلبها يومي |
رد: الفاطر حليبها مالح وش الحل ؟ الطرايق إللي هي العشاير طبيعي يملح لبنها و شور الأخوان طيب و الله يعطيهم العافية و نصيحة لوجه الله من مجرب و عانى : العشرا لا تقرب الشعير لأن صاحبها بيتوهق في لقاحها |
| الساعة الآن 28 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |