رايكم يالاجواد عجلو عليه
 

السلام عليكم ورحمة الله وبركاته وبعد
استشاره يالاجواد عندي ناقه مات ولدها والناقه ما تحن وما تخلينا نقرب منها لجل نحلبها
وقالي واحد دور لك حوار وضيرها عليه وابي رايكم يالاجواد وش الحل والناقه غاليه عندي
ابي مشورتكم وبسرعه
اخوكم رائد الحربي

الراي اللي عطوك اياه الاجواد هو الراي السديد وانا اخوك ..

اشتر لك حوير بألف بألف وخمس وضيره عليها .. والله يبارك لك فيها ..

خوي رائد انت مشتهي للحليب فشتر حوار وضيرها عليه

وان كان عندك مايسد عنها من الخلفات

كسبها تجيبلك السنه الجايه بكرة اتعوضك عن الحور الي مات

السلام عليكم ورحمة الله وبركاته
صبح الله بالخير أخوي رائد
ما قصروا هل الآراء ، إن كانك تبغي اللبن فأشتر أحوار وضيرها عليه وأن كنت تبغي الأنتاج فأضربها بالفحل الطيب ، وعلى قول بدوانا (( أضرب وتحل ))

اشكركم جزيل الشكر وبيض الله وجهيكم حقيقه انكم غانمين ومعرفتكم شرف
ولكم مني خالص التقدير والاحترام