يالله ياخلاق الانفس ويامنشي الغيوم=ياوليٍ تجزي الناس حسب اعمالها
ياكريم من عطاياك محدٍ بمحروم=وعندك ارزاق المخاليق ياكفالها
ياولي الناس عفوك ومدك يارحوم=مدتن تحيي ثرا الارض عقب امحالها
تنشي بنو نصوبه من القبله ردم=ولنحدر هلة مزونه جثيل اخيالها
اسق الارض الممحله من بكورات الوسوم=لين تلبس عقب طول الدهر جمالها
لكتسى نبته على الارض ثم جاله قسوم=في فياض بالمخاظير زين اشكالها
زين بالبل سجتن بالحيا تسعين يوم=عقب ماوالي المقادير طيب فالها
سجت المرباع بالذود تـنسيك الهموم=ولاتغبط اهل التجاير وكثر اموالها
دوجتن بالعشب والبل ولو مالك لزوم=تشرح الخاطر ونفسك تزيد امآلها
شف بالي يوم كلن على شفه يروم=شوفة البل في فياضن تزم اهجالها
ومن جميع البوش سادا ترد ابها العلوم=ودي اقضي الوقت في شفها وابرالها
مارق النسنوس فنسا من امات الخشوم=ويظهرك عرض المعذر وطول اسبالها
ورقبه جردا سناد ولا فيها لحوم=وعرض خدن مايجيها المطر لاجالها
والاذاني بالصناقل كما وصف الرسوم=والنحر بروازتن فتحن اقفالها
والظهر متبرم فوق نابي ومحزوم=وتسعة اشبار من الزور لين اشكالها
افجا عسمن يديها تهوم القاع هوم=خفها يظهر ندا الارض في زرفالها
فارعن كنها تخيل القمر والا النجوم=مع جميع البوش محدن يلد الا لها
زينها لاجاء المزاين ولحظات القدوم=وقربت عند المنصه وشيل اجلالها
واعرضت في ساحت العرض والجمهور كوم=مع حلاها لامعن لونها بحبالها
وابعدو منها ولدها وهي قامت تحوم=وحدبوها لين شاشت وزاد اجفالها
وادخلت شبك التحدي وجاء فرز الرقوم=واخذت الاول على دقها واجلالها
من قناها طاب حظه وناموسه يدوم=مير ماكلن اليامن بغاها نالها
ماتحصل كون بشيك مفتوح الرقوم=كانه اصخاها بزود الثمن جمالها
شيكها في حزة البيع يتعب من يسوم=كون من لايحسب جنيها وريالها
وفي زمانن فات لامن غزو قومن لقوم=شيكها روس الرجاجيل يوم اقتالها
بالسيوف الحدب في يد قوين العزوم=في نهارن يارد المعركه خيالها
عزوتن لهل الشجاعه وعزن للقروم=دونها الظفران ياما رمت بحوالها
الله يعفو عن رجالن تسوم الروح سوم=دونها بسيوف هند تسل اسلالها
جعل رجلٍ قام في عزها حظه يقوم=وجعل خلاق الخلايق يطيب فالها