![]() |
لاهنتوا وش بلى الخلفه مساء الخير للجميع أعضاء وزوار الموضوع سلمكم الله عندي بكره أول ولاد لها في شهر 4 هجري الماضي وبعد ولادها تقريبا بشهر ونص صارت الناقه تبرك بالمرعى وتتجضع على جنوبها حوالي يومين وشهيتها ضعيفه بعد هاليومين جاها ورم في الجهه اليسرى من منحرها فقط دون الجهه اليمنى الوكاد إن البياطره إختلفوا واحد قال هذا هيام والثاني قال هذا توثي بالناقه لأن الهيام يجي الورم بكانل المنحر وش لكم بالطويله دقيناها أبة هيام الهندية وثاني يوم راح الورم وبعد شهر إبرة هيام ثانيه مشكلتي مع الناقه الآن إن حليبها قليل جدا جدا ويادوب تروي ولدها وحالتها ضعيفه مع العلم إني مكرمها بالعلف بشكل خاص عن البل |
رد: لاهنتوا وش بلى الخلفه ما عليها خلاف ان شاء الله من راي انك تعطيها علاج الدود وتخصها لحالها وعليك بالبرسيم لا يفصل واذا جات الساعه 8 الصباح خل الراعي يشملها وان كان انك تحلب الصباح بعد حليبك لها في الليل بساعه ونص شملها والحوار خصه بالبرسيم واعزله من امه |
رد: لاهنتوا وش بلى الخلفه الاخ سلطان بالنسبة لتحديد المرض فالتحليل افضل شي لانه يختصر عليك الوقت ويعطيك خبره بالأمراض لكنه صعب بالنسبة للأبل عموما لانه تحتاج للنقل للزراعة ويمكن المسافة بعيدة اما بالنسبة للبكره فانه طبيعي يصير فيها هالجفاف خاصتا اذا كانت مصابة بطفيليات الدم او مرض الهيام وهالمرض يسبب جفاف وفقر دم بالبكره وهالشي ينعكس على انتاج الحليب. والافضل اعطاء البكره فيتامين شراب او حقن لمدة 5 أيام على الاقل وعطها مثل ماقال الاخ محمد اعلاف خضراء مثل البرسيم وماتشوف شر ان شاء الله |
رد: لاهنتوا وش بلى الخلفه الإخوان محمد اليامي و طلال الخالدي الله لايهينكم ماقصرتوا |
الساعة الآن 11 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |