|
من عنده علاج للناقة ؟ السلام عليكم ورحمة الله وبركاته,,, عندي يالربع عشراء مدري بالظبط وش علتها الناقة ضعفت ضعف شديد طاحت وبرتها وبانت عظامها عطيتها حبوب دود وابرة جرب السوبر وابرة الهيام الفرنسية ولا فاد فيها علما بأن أكلها وشربها طيب... فاللي عنده من الأخوان علاج لا يبخل علينا الله يجزاه خير.. |
رد: من عنده علاج للناقة ؟ اخوي فهد خذ من دمن الناقه ورح به للبيطرة بمديرية الزراعة عشان تعرف وش مرض الناقة وماتخسر على الاوية بدون فايدة . واذا الناقه انسلت حالته وضمرت من بعد حالات اسهال واعطيت علاج ومانفع معها فاتوقع انها تكون مصابة بمرض جون وهالمرض للاسف ماله علاج خاصتا بالحالات المتأخره . فأنصحك بعزل الناقه عن المراح عشان ماتسبب لك عدوى بالأبل السليمه وخذ لها تحليل . لكن بهالحاله انصحك تعطيها محاليل وريدية ( مغذي ) عن طريق الوريد 2 يكفيها لمدة 3 ايام مع الفيتامينات وانصحك ماتزود عليها بالأدوية لانها تأثر على جسم الناقة اذا كانت تعطى بفترات متقاربة . وماتشوف شر .. |
رد: من عنده علاج للناقة ؟ جزاك الله خير اخوي طلال والناقة ماجاها اسهال بالعكس دمنها طبيعي وأكلها وشربها طبيعي وحسب ما فهمت من وصفك لمرض جون إنه سلاق ولا أظن ان اللي في ناقتي سلاق |
رد: من عنده علاج للناقة ؟ عطها ابرة هيام الفرنسيه |
رد: من عنده علاج للناقة ؟ الناقه فيها حمم وهدب حك جماها بملح لين يمشي الدم وقطع الهدب الزايد من جهة الضروس |
رد: من عنده علاج للناقة ؟ هل هي يابو شديد ولدها هجال عليها مازال يرضعها ؟ |
رد: من عنده علاج للناقة ؟ أشكر الاخوان اللي ردوا والناقة يا بجاد لو فيها هدب ماكلت زين والحمم ماعرفته , وولدها يابوحماد عزلته عنها من يوم العيد |
| الساعة الآن 18 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |