|
اسماء الابل من حوار الى شقة الناب ..!!@@@ السلام عليكم اخواني , اقدم لكم هذه المشاركه وعسى ان تنال على اعجابكم, هذه اسماء البل منذ ولادته حتى سن معين, وكلنا نعرف اذا جابت الناقه حوار فهو اما قعود((الذكر)) او بكره(( الانثى )) فان الحوار (البعض منها) يسير خلال ساعتين والبعض منها خلال يوم ويومين, فالسنه الاولى يسمى حوار واذا ظهر اسهيل من السنه الثانيه يسمى مفرود وهكذا واليكم اسماءها ووقد جعلتها في شكل مرتب. وسمي بالحوار لأن أمه تحير عنده ولا تسير إلا وهو معها . الحوار : منذ الولاده حتى يظهر عليه اسهيل من السنه الجايه. المفرود سنه حق عندما يتم سنتين لقي عندما يتم 3 سنوات جذع تم 4 سنوات وبدا الخامسه ثني اتم 5 سنوات رباع اتم 6 سنوات سديس الذي اتم 7 سنوات وبدا الثامنه اول فطر اول سنه شق نابه اي طلع له ناب ثاني فطر يصيرعمر نابه سنتين ثالث فطر السنه الثالثه بعد فطر الناب تحياتي ابن صلبوخ |
الله يعطيك العافيه يا فهد |
الله لايهينك يافهد على طرح الموضوع وبيض الله وجهك |
لاهنت ابوحمد وبالنسبة لكلمة حوار للبكرة البعض يسميها حوارة وش رايك في صحة التسمية |
السلام عليكم ورحمة الله وبركاته بيض الله وجهك على الموضوع أخوي فهد |
الله يعطيك العافيه أخ/ فهد وبيض الله وجهك على ها المعلومات |
بيض الله وجهك يابن صلبوخ |
اقتباس:
وتشرفت بك اخوك |
اقتباس:
ووجهك ابيض ياجاسم ولاهنت اخوك |
اقتباس:
وكلامك جميل جدا ومفيد اما عن التسميه فالبعض يسميها حواره من اصل ( حوار ) وذلك اختصار لكي لا يسأل القايل مرة اخرى هل هي بكره ام قعود ..!! فيختصر ويقول حواره والصحيح عند البدو حوار سواء ذكر ام انثى ولاهنت اخوك |
اقتباس:
ارحب ياحمد ووجهك ابيض وتشرفت بمرورك اخوك |
اقتباس:
ارحب يالسمي والله يعافيك ووجهك ابيض طال عمرك اخوك |
اقتباس:
ارحب يامحمد ووجهك ابيض وتشرفت بك اخوك |
مشكور ياخ فهد ولاهنت على المعلومه الطيبه ونا عندي مداخله بسيطه اذا كان عمر الحوار من اربعه الى سته اشهر تقريبا يسمونه البدو من اول مخلول والخلال عود صغير يوضع في انف الحوار كي يمنتنع عن الحليب ويتعود على اكل العشب واذا بلغ الحوار سته اشهر فيه ناس يسمونه شبعي لانه اصبح يشبع من العشب ولكم تحياااااااااااتي |
أخي فهد بن صلبوخ تحية طيبة وبعد أشكرك على هذه المعلومات بس عندي مداخلة وهي أن اللقي قبل الحق وهذا في كلام العرب فالمفرود إذا فردناه عن أمه ضربها الفحل وعشرت وصارت لقحه وإذا تم للمفرود سنتين أمه صارت خلفه وهو صار لقي لأنه لاقا أخوه وإذا تم له ثلاث سنين ودخل بالرابعه صار حق وهو في كلام العرب ما استحق أن يطرقه الفحل أرجو أن تقبل تحياتي ولك كل الشكر والتقدير أخوك عايد العطيشان |
| الساعة الآن 47 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |