![]() |
عندي ثلاث خلفات فيها ورام-اسرار الورام اسرار الورام.. عندي ثلاث خلفات فيها ورام أحيانا نصفي وأحيانا كامل أول ماجا الورام في وحده غسلت ضرعها بما وملح ويوم جف دهنته بمرهم الورام ورشيت الأرض حولها بجره ويوم جيتهامن بكره إذا الورام زايد علما بأني أخليها من الحليب كل يوم مرتين وطلق ماحجرت إلافي الليل نشبكها احترت مع هالورام وبدا في الثانية وبعدها بيوم انتقل للثالثه اعطيتهن أبر مضاد حيوي وابرهيام والابره الي تسحب الورام وأدهنهن ولا كأني سويت أي شي إلا ابره الورام تسحب الورم أعطيها لمده ثلاثة أيام ويروح الورم يوم ثم يرجع جلست أفكر وقلت الورام في الثلاث كلها معناها إما إن يكون في الأكل أو في المراح رشيت المراح لين ربص ولا نفع وبديت أغير في الأكل كنت أعطيها نخال وبرسيم غيرت النخال بالشعير ولا فيه أي نتيجه وقطعت البرسيم عنها وخف الورام بعدها يبستهن وعطيتهن برسيم بعد ما يبسن ورجع لها الورام وهذه نصائح لأهل البل علهم يستفيدون أو يصححون لي: احلب الناقة السليمة قبل المصابه عشان ماتنقل المرض يفضل غسل اليدين قبل الحلب وقبل ماتبدا بحلب الأخرى صحيح أن الأمر متعب لكن إصابه الناقه بمرض نقلته عن طريق اليد أتعب بالنسبة لمن يستخدم الشمائل خذ الواسعه كي لاتسبب جروح و خدوش في ضرع الناقه لاتكن أظافر يدك طويلة اطلق الناقة ولاتحجرها لأن الحجر يسبب الورم (وليس للكل) النخالة إذا زاد ماها لبعض الخلفات وغالبا يضر الي ما تعودت عليه البرسيم لبعض الخلفات القراد المتعلق بالضرع تركها وعدم تفريغ ضرعها من الحليب وهذا هو دمار الضرع خاصة في الأسابيع الأولى بعد النتاج ضروري جدا إخلاء الضرع ملاحظة : قلت البرسيم لبعض الخلفات لأن بعضها مايضرها البرسيم وبعضها يادافع البلى |
الأخ فهد الخالدي قم برمل الحوش برمل نظيف أو غير الحوش قم بتمشيتها جيداً يومياً وتنظيف ديودها من الحليب وتقبل خالص تحياتي،،، |
فهد الخالدي مساك الله بالخير عليك بالماء البارد من الثلاجه وان حطيت معه ملح احسن وخل البل تمشي مثل ماقال الاخو فهد القحطاني لو تسوقها سوق |
الساعة الآن 49 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |