|
الفطام يا جماعة الخير السلام عليكم ورحمة الله الله يمسيكم / يصبحكم بالخير والرضا عندي عدة اسئلة بخصوص الفطام واتمنى من اعضاء المنتدى الشامخ الاجابه عليها بوضوح ! متى افضل عمر يفطم الحوار بعد كم شهر ؟ وما هي أفضل الطرق ؟ وأفضل علف للحوار بعدها ؟ انا عندي خلفه ولادها متأخر في الحميم وودي افطم ابيها تشحم وتزين وانتم خابرين الضراب قرب . |
رد: الفطام يا جماعة الخير لا حول ولا قوة الا بالله ... يا جماعة الخير المنتدى اعضاء والا زوار ... اذا نزلنا الموضوع اخذ له 24 ساعه على الاقل كلها مشاهدات وبعد الطلايب والشحذه يجينا رد ... |
رد: الفطام يا جماعة الخير شف وانا اخوك عليك بعزل الحوار يوم ويوم تفكه على امه لمدة 10 ايام وبعدها فكه يوم واعزله يومين لمدة عشر ايام وكل فتره زد شوي لين تضرب الناقه |
رد: الفطام يا جماعة الخير اولا بالنسبه لوقت الفطام فاشوف ان الحوار اذا بلغ 6 اشهر فيمكن فطامه بشرط اكرامه بالبرسيم +الشعير او المكعب ثانيا بالنسبه لكيفية الفطام فالامر سهل ابعد الحوار عن امه ونظفها اول ثلاثه ايام يوميا بعيد عن الحوار علشان ماتعطف ثم اتركها يومين ونظفها وكرر التنظيف عند الحاجه والمساله ماتتعدى اسبوع تقبل تحياتي |
رد: الفطام يا جماعة الخير الله لا يهينكم ياالربع ماقصرتووو |
رد: الفطام يا جماعة الخير اجابو الاخوان بما فيه البركه والحوار دامه جاله ثلاث اشهور واهو على حليب امه ومنتفعن منه متى ماتبي تعزله اعزله يشين اسبوع ويتعود على العلف بشرط تكرمه اكرام طيب بالعلف بالنسبه للقعدان عندي اما البكار اخليييهن مع امهاتهن لين اجي ابي اضرب امهاتها اردها قبل الضراب باسبوع وتقبل مروريي |
رد: الفطام يا جماعة الخير لاهنت يا نايف واشكر لك مرورك وافادتك . |
| الساعة الآن 06 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |