منتـديـات مــزايـن - سلام يا هامة مضر تميـم يـا ربعـي تميـم

منتـديـات مــزايـن (http://www.mzayan.com/vb/index.php)

- خيمة مزاين (http://www.mzayan.com/vb/forumdisplay.php?f=92)

سلام يا هامة مضر تميـم يـا ربعـي تميـم

السلام عليكم ورحمة الله وبركأتة،،

اقدم لكم قصيده الشاعر،،،،،،،،،

سلام يا هامة مضر تميـم يـا ربعـي تميـم
الأولـه حنـا لهـا والثانـيـه حـنـا لـهـا

سلام يا سيف على الأرقاب يضرب فالصميـم
لا ثـارت الهيجـا سنـاد طيـب الله فالـهـا

بـرد وسـلام للرفيـق وللعـداء نـار الجحيـم
لا جا نهار الكـون شبـت والحطـب يعبالهـا

حنا هل الراي الحكيم إذا كفـا الـراي الحكيـم
وان كبرت القالات حنـا يـا عـرب جهالهـا

من باب صنعاء في اليمن للشام للسور العظيـم
للمغـرب تـونـس موريتانـيـا وجبالـهـا

يادوحة في ظلها الـوارف يقيـم اللـي يقيـم
الجار هو الضيـف والعانـي يريـف بجالهـا

من قال اشـد النـاس للدجـال والهايـم يهيـم
من قال هم قومي وهم هامة مضـر مـن قالهـا

من قال سيد اهل الوبر غير النبـي المستقيـم
الهـادي اللـي نـور العتمـه وفـك اغلالهـا

يشهد لنا التاريخ بعصور الجهالـه مـن قديـم
يوم الحـروب الطاحنـه تسربلـت سربالهـا

ويشهد لنا عصر النبوه عند زمـزم والحطيـم
ندرى عن الدين الحنيفـي والعـرب بافعالهـا

مغـازي فيهـا مـن الأهـوال مالله العلـيـم
فيها يشيـب الطفـل والنسـوه تكـب عيالهـا

يا نسل قيس ونسل عمرو ونسل الأحنف والعديم
الصـارم القعقـاع يـوم الفـرس رد افيالهـا

وحنا هل الدعوة على الأوثان وابليس الرجيـم
لين أصلح الله شان الأمة واصلـح الله حالهـا

وكل القبايل فيهم الطيـب حشيـم مـن حشيـم
تستاهل البيضا على روس الرجـوم رجالهـا

ماهي هداريس الظـلام ولا سواليـف الحريـم
فيهـا علـوم تقعـد الغافيـن مـن عقالـهـا

والا الردي ماني كفيل له على الفعـل الذميـم
اللـي جبيـن الحـر لا منـه لحـظ يندالهـا

ما جيت افاخر غيـر بسلـوم القبيلـه ياتميـم
يا راس مالي لفتخر غيـري بـروس اموالهـا

الشاعر:
محمد بن عبدالرحمن آل فارس التميمي