|
وش علاج الناقه اللي تحب تبرك في الطين يالربع عندي ناقه لها اكثر من شهرين مريضه اول ماجاها النحاز وعطيناها الشامل وطابت من النحاز لكن صار حالها ضعيف واكلها وسط وتحب تبرك في الطين عند معلف الماء وعطيتها ابرة الهيام الفرنسيه وبعد عشرين يوم اعطيتها ابرة الهيام الهنديه تحسنت تحسن بسيط واللي عنده حل يفزع به وجزاكم الله خير الجزاء @@@ |
في اعتقادي مافيها الا العافيه مادامك مستمر في علاجها وهـي منحاشه من الحر تبي تبرد واذا تبيها ماعاد تبرك عند حوض الما علاك بالعصا سجها سجتين مع هواش من بكره ماعاد تلقااها حول الحوض تقبل تحياتي وتقديري |
اخوي هلا هي ماتداني الحر ؟ |
مساء الخير ع الجميع الناقه إذا اكلها طبيعي مافيها إلا العافيه ويبيلها جلال ولا ظلال من الحر وكلها ايام ويطلع سهيل وتبرد الارض والجو تنبيه قالي رجال باخس ان براك المطيه في الطين يجيب السرر والعهده على الراوي |
اشكر لجميع الأخوان مرورهم الكريم ومشاركاتهم الطيبه @ |
عليك بالثوم خمس حبات ثوم اطحنها او دقها لين تفتت واخلط معها لتر او نص لتر مويه وكربزها في حلقها وكررها بعد خمس ايام وان شاء الله تجيب نتيجه |
الناقه فيها حراره والحراره ماتجي الى ان فيه مشكله في الناقه لان الحراره لاتجي الى من التهاب 1- هل الناقه اذا بركت تمد ارقبتها على الارض اذا كانت الاجابه نعم فهي منحوزه حتى لو مكحت العلاج ( تايلان 200 ) 20 سم لمدة ثلاثه ايام مع الخويرم . مع ابرةخافض حراره 2- اذا كانت الاجابه عن السوال الاول لا فعليك ان تفقد الناقه زين وجود خراج الاتهاب ضرع خروج اوساخ من حياء الناقه . وتعطيعها العلاج حسب الحاله وسيكون البنسلين وخافض الحراه مهمين ارجو اني قد وفقت في الاجابه على تساولك |
أخوي مساك الله بالخير وكل عام وأنت بخير الناقة ما تجي عند الطين أو حوض الماء إلا وهي موجوعة وهذه الحالة مرت علي الناقة مواريها مواري المهيومه لكن علي بأبرة الهيام الهنديه عطها أياها بإنتظام وإن كان ماهيب لقحة بتسلم بإذن الله |
ابره الهيام مهما كان نوعها كل سته شهور لانها تسبب تكسر كريات الدم |
انا مع اخوي سعود الزيادي الناقة لاحقتها حرارة ولازم تعطيها خافض للحرارة |
اشكر جميع الاخوان على مشاركاتهم القيمه واريد التوضيح ان الناقه طابت من النحاز ولاعاد تكح ولاتمد رقبتها اثناء البروك كما اخبركم بأنها كذلك تركت البروك في الطين بعد استخدام البنسلين الألماني كل يوم 25 سنتي لمدة عشرة ايام ولكن باقي الضعف وصغر البطن ( عدم البدنه ) والوبره تشوفها رديه !!! مع انها تحسنت عن اول كثير !!! ولانستغني عن مشورتكم !!! اما الجديد فهو بنتها عمرها ستة اشهر صار اكلها ضعيف وبطنها فاضي ورضاعها لاباس به !! هل هي مصابه بالهيام بالعدوى من امها ؟ وما هو العلاج ؟ هل تتحمل ابرة الهيام ؟ افيدونا وجزاكم الله خير الجزاء @@@ |
مع الاخ / حمود المشعلي وعلاجها أن شاء الله أبرة الهيام الفرنسيه وتخلط لها حلبه وثوم ورشاد وتغرها به بعد ذلك حبوب الدود وفيتامين تعويض الحديد في الدم وماترى باس ان شاء الله مع عزل البكره لاتشرب من حليبها ويفضل العلاج خلال 72 ساعه من خروج الأعراض والله أعلم |
اقتباس:
|
رد: وش علاج الناقه اللي تحب تبرك في الطين اشك ان الناقه محمومه اشوف انك تبحث عن سبب الحمى وتجيبلها علاج تقبل تحياتي |
رد: وش علاج الناقه اللي تحب تبرك في الطين اقتباس:
لك جزيل الشكر وصادق الدعوات بالتوفيق @@@ |
| الساعة الآن 39 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |