|
6 مجاهيم طيبه للبيع .. السلام عليكم ورحمة الله وبركاته أسعد الله أوقاتكم بكل خير .. يوجد عدد 6 من البل المجاهيم الطيبه .. اللقحات = 2 العشاير = 1 تحتها بكرة الأجلاب = 3 الموقع / الأفلاج ج / 0555943834 وهذي الصور هذا مقطع اللقحة الأولى وهي لقحة بثانيها ولا عليها الا وسمي فقط .. لقحة لها 7 أشهر .. وهذا مقطع اللقحة الثانية وهي لقحة ببكرها وغفل ماعليها وسم .. لقحة لها 8 أشهر .. وهذ مقطع العشرا والله العالم ان اللي تحتها ثالثها .. لكن خلافها المواخير كبار .. وهذا مقطع الجلب الاولى .. فاردٍ منها ثالثها .. وهديه نحلبها ماتحترك .. لكن ميخارها اللي صوب الحلاب عايب .. وهذا مقطع الجلب الثانيه .. وكذلكٍ فارد منها ثالثها .. وديدها سليم بالمره .. وهذا مقطع الجلب الثالثة .. وهي على ما أظن انها ثنيه .. عشرت في تالي الوقت شهرين وكسرت .. ولاعدت الضراب عليها .. ماجاها الا اضراب واحد .. وغفل ماعليها وسم .. وسلامتكم .. |
سلام عليكم البيع جمله والا تفريد سلمك الله جزاك الله خير اخوي عبدالله وشكرا |
اقتباس:
مرحبا يابومحمد .. اللي تبي طال عمرك .. جمله ولا تفريد .. شف اللي يصلح ولا نا بمتخالفين .. |
يالسهلي بيض اللة وجهك يازين الاعلان بثبات وانت اثبت بالفديو وغيرك يعرض بدون الصور والفديو |
مرحبا يا عبدالله .. أسوم جمله على 5500 ريال .. 0558318451 |
اقتباس:
مرحبا يامحمد .. ووجهك أبيض ، والرجال لاذكر غايب فيذكره ذكر حاضر .. لايزيد فيه ولاينقص ، ويقصر العنوة على الرجال .. ولاهنت على كل حال .. |
اقتباس:
مرحبا يا ناصر سومة طيبه من وجه أطيب ونرجي من الله الزود |
| الساعة الآن 34 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |