|
الحشو تسكرت خشومها ويش العلاج السلام عليكم ورحمة الله وبركاته نبارك لكم شهررمضان المبارك عندي يالربع الحشوان تسكرت خشومها هل لها علاج وبعض الربع قال اتركها وتروح من حالها وفقكم الله |
مرحبا يابو فهد كلام الربع صحيح واللي مضايقها في التنفس اغسلها بماء وملح . |
مجرد وقت وتروح يابو فهد |
مرحبا يافهد هذا نثاث وكلام الربع صحيح يروح لحاله |
الأخوة / محمد أبوعدوة ، طلال الروقي ، بندرالهاجري الله لايهينكم على الردود المطمئنة شاكرً لكم مجدداً |
مساء الخير ع الجميع اللي في الحشوان هذا أنثاث ومعدي وله علاج شعبي مجرب وعلاج بيطري مجرب الشعبي هو انك تغسل خشم الحاشي بالماء الدافئ والملح وتنظفه تماماا وتضع في الخشم من داخل عود عويدي مطحون <مسمار>لكي يتنفر الحاشي وينظف ماتبقى وكرر العمليه لمدة ثلاث ايام ...العلاج البيطري هو ابرة تراموسين وماعليها الا العافيه |
اخوي سليمان ... السلام عليكم .. خذ الطريقه هذي وتراها مجربه : ماء دافي مع ملح وينظف السدد اللي في خشوم الحشوان جيدا .. وعندما تتأكد من نظافته من اللي مسدد خشومها .. تحط زنجبيل مطحون في خشومها من الداخل !! وكررها في اليوم التالي وان شاء الله سهالات وبالسلامه . |
الأخوة / محمد المري ، سالم الهاجري بيض الله وجيهكم أشهد إنكم ماقصرتوا وفيتوا وكفيتوا |
انا مع كلام اخوي محمد المري عود عويدي (مسمار) اطحنه لين يصير بودر واعصر ليمون وحطه في قلاص واشخله وصبه في خشوم الحشاوين وافرك اخشوم الحشاوين ترى النثاث معدي لمدة ثلاث ايام |
أخوي العزيز إن كان خشومها متسكره جدا فعليك بزيت الزيتون صب شئ قليل وتبشر بالعافية وأنا مجربها العام في الدهنا مثل هذا الوقت أنتشر عندنا في الحشو وبكثره وأن كان شي بسيط فلا عليها شر إنشاء الله |
| الساعة الآن 41 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |