|
بكرة أكلها ضعيف السلام عليكم ورحمة الله وبركاتة أسعد الله مساكم بكل خير مثل ماهو العنوان انا عندي بكرة مفرودة أكلها ضعيف ولاهيب سمين ماهو السبب وش هو العلاج؟؟ |
حياك الله يانواف ياليت توضح لنا هل البكره تأكل ولا ماتاكل يعني كيف اكلها وشهو الاكل اللي انت تعطيها |
عندي نفس المشكله اعطيتها حبوب الدود وابره الهيام الفرنسيه وابشرك بخير |
خلف العايضي ,, وأحمد العشيري أشكركم على المرور وبالنسبة لسؤال خلف العايضي البكرة مرة تأكل زين ومرة أكلها ضعيف وبالنسبة لأكلها أحط لها برسيم |
أخي نواف الدوسري ارى بأن تنوع لها الغذاء وانصحك بأن تحط شعير لانه راح ينفعها بأذن الله |
الأخ نواف الدوسري السلام عليكم ورحمة الله وبركاته أنا مع الأخ أحمد العشري عطها حبوب دود " مركز " حبه ثم بعد 14 يوم حبه ثم شاهد الفرق إن شاء الله . والأخ وخلف العايض تنوع الطعام له دور طيب في التسمين . ودمتم بخير أخوكم عبدالعزيز العبدالله |
اقتباس:
أشكرك على مرورك للمرة الثانية وبالنسبة للشعير عطيتها قبل فتره تاكل منه شوي ثم تتركه |
اقتباس:
لاهنت أخوي عبدالعزيز العبدالله على مرورك والظاهر بجرب حبوب الدود والله الشافي |
ان كان توها مفروده فطبيعي بعد الحليب تنقض ويخف اكلها ولاهو ضارها ما وجهوك به الاخوان من ادويه وبالتوفيق |
السلام عليكم ورحمة الله وبركاته اخي نواف تاكد من افم البكره لايكون مصابه بالاحيرش وهذالمرض يجعلها ماتاكل الشعير بالذات طبعاً معروف موقعه بالفم |
نوع أكلها وأهتم بنظافة الماء وانشاء الله ما تشوف إلا الخير |
اقتباس:
أخوي سعود مشكور على مرورك |
السلام عليكم (اخوي نواف الدوسري) اذا عطيت البكره حبوب دود ولا فاد يمكن البكره مغتثه عطها (كافي غرشتين)حطه في ماء دافي ورجه في فم البكره |
نواف الدوسري مساك الله بالخير أولاً إذا كانت مفروده وترضع أمها فأكيد بيكون أكلها ضعيف لأنها تجلس تحتري الحليب أما إذا كانت ماترضع أمها ومفروده من امها مده قريبة فللحيب تاثير على أكلها ايام ويتحسن رعيها بخصوص كثر الأدويه لصغيرة السن فلا يصلح لكن عطها شعير وخلها ناقع عندها دايم وإنشاء الله يبين الزود فيها ومعليها إخلاف |
| الساعة الآن 28 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |