من يفيدني عن مرض لخلفه
 

لها يومين ما تاكل وتبرك وتنجظع يمين وشمال وخاطرها شين ما تعلف والاتجتر

هلابك ياراعي الخلفة

ناقتك مجروحة هذي مواري الجرح ويسمى في الطب البيطري التهاب كلوي والعلم عند الله

وله ابره وكي وانت اختر

أعتقد انها مغتثه ،، والعلم عند الله .

هذا الجرح ..... والبعض يسمية الشوكة ..... وعلاجة عند البيطري ....جنتا فار والعلاج الثاني نسيت اسمة ....
وآخر علاج الكي .

تبي الشور وسوه على طول وإن شاءالله بتدعيلي رح وخذ لك علبة ببسي كبيره وخذ نسكافه صغير ونقص من الببسي شوي وحط النسكافه في العلبه وغرها الناقه على طول وإن شاءالله تشوف مايسرك

الناقه منغثة من اكل اكلته سببلها تلبك بالمعده

تحياتي

انا مع اخوي خالد الحجى واسئل مجرب ولا تسال دكتور بس ( اذا ماهي الشوكة)

يمكن ما كله كيس بلاستك

السلام

تعطف على ولدها؟

بيض الله وجيهكم ما قصرتوا جيت البيطري وقال الشوكه وقال مغتثه وعطاني ابره شامل وابره مغص

نعم تعطف على ولدها

ياعبدالعزيز طيع شوري ماراح يضرها الببسي والنسكافه عطها وجرب وبالعكس مفيد الناقه ملبوده والغازات مفيده لها وإنت براحتك

إذا الناقه باقي ماتجتر ولا تأكل عطها مانت خسران شيء

ياخوي عبدالعزيز .. أنا لازلت مصراً على رايي ،، ترا ناقتك مغتثه فقط .. ولا شوكه ولاشي .
نفس أعراض ناقتك تصير معي في البل .. والعلاج بسيط .. غرشه ببسي كبيره تغر بها الناقه .. وشوي إلاها منطلقه باذن الله .

مع اللي قال غرها بالبيبسي

وترا دمن الجرح مختلف عن دمن السلم ونصيحتي لا تعطيها شي إلا من بعد ما تغرها ومن بعدها شف حالتها طابت والا لا والله يشفيها من كل مكروه

انا بعيد عمها اخوي عطها ابره الشامل وابره الماغص ويقول الناقه طيبه