استشاره لأهل الخبره للحيــــران
 

السلام عليكم
عندي حوار عمره 5شهور بطنه كبير وشعره مهيب زينه وحاله جيد عل انه تحت امه على طول وامه فيها حليب
وهو يرعى اكله زين

من يفيدني جزاه الله خير

إذا اكله زين ما عليه إن شاء الله والشعر ماهو دليل يمكن وراثي

يعطيك العافيه يامنذر
يمكن ناقصه فتامين او دود في بطنه
ما قد مرت عليكم مثل هذه الحاله

عبدالعزيز عط الحوار ابرة جرب 5 سي سي ان انفعه ولا ماضره واحلب امه كل يوم مرتين صبح ومغرب وكثر عليه البرسيم وبعد شهر عطه ابرة كالسيوم وابرة نحاس واذا ماتغير حاله لومني فيه وانا اخوك

يعطيك العافيه يا بخيت

بسم الله الرحمن الرحيم

باختصار الحوار يرضع من رديد الحليب ويعفش نظف الخلفه لو ولدها يكملها كل يوم باستمرار ولا تثق في العامل لو قال نظفت تابع وراه وتاكد بعضهم كسلان والخسران راعي الحلال

المشكله يا خالد ان النيايق ما عندي صبي اخوي الصغير هو اللي يعلفها وان ما اجيها الا الخميس والجمعه
والعلف شعير وتبن في وجه العدو علشان ما يجي فيها حليب
ودي اعطي الحيران برسيم بس اخاف عليها من الحليب