|
تكفون السلام عليكم عندي ناقه ولدت البارح .. ولاكن الحليب عندما يخرج من ديسها بصعوبه . والحوار لايستطيع أن يمتص ذلك الحليب نظرا لصغر الفتحات مع العلم أن دحليلها كبار . حاولت توسيع الفتحات لاكن دون جدوه . ذهبت الى البيطري وأعطاني حديده (ماأعرف أسمها) لأنزال الحليب وتوسيع الفتحات وأيضا دون جدوى الرجاء من الأخوه الكرام النظر في موضوعي هذا تكفون ألحقو الحوار |
اخوي خالد اول شي لازم تساعد الحوار على الرضاعه من ديد امه ( يعني احلب في فمه ) على شان مايغوى ويخرب طبعه ثانيا لو تضع في الساعد ثفه حبتين ثلاث تراها طيبه بخصوص توسيع فتحات الديد وموفق باذن الله وننتظر راي باقي الاخوة |
وافي مليح الله يعافيك على التجاوب لاكن مافهمت ثــفـه حبتين ثلاث تراها طيبه بخصوص توسيع فتحات الديد |
اقتباس:
اخوي الغالي احلب الناقه كل يوم ثلاث مرات وبعد اسبوع شوف النتيجه وانا اخوك هذولا البياطره ماعندهم سالفه اهم شي انه يجني المال ولايهمه الي هو قاعد يسويه |
مثل ماقالولك الاخوان وعليك بالفازلين مرتين ثلاث مرات باليوم عقب ماتنتهي من حلبها ادهنها بالفازلين وبيطيب ويزين انشاء الله |
هلا بك .. حط حبتين رشاد في كل فتحة .. مع استمرار ارضاع الحوار .. وتبي تزين الأمور ان شاء الله . |
حاول تحلبها بإستمرار وترشه بمااا وانتبه للحوار مع هالصيف رشه وحطه بضل وارضعووه زين وبالتوووفيق وانا اخوووووك |
الثفة = الرشاد وموفق باذن الله |
حط زنجبيل على راس الديد الفتحه وافركه ولو غريت الناقه برشاد اسمه ( ذفا ) تلقاه عند العطار قبضه يدك في غرشه صحه صغيره وهي تلد كان بزق حليبها جربه الحين ان مافاد ماضر |
اخوي امرك ان شالله سهل جداً . بالنسبه للمسمار اللي اخذته من البيطري اتركه عنك لان ديد الناقه مثل العين مايتحمل بعض التدخلات قبل سنتين اعدم ديد الناقه عندي باكمله على الرغم اني ماوضعته غير في حلمه وحده . . عليك مثل ماقالوا الاخوان انك تساعد الحوار في الرضاعه يعني وهو يحاول يرضع احلب في فمه شويء شويء ومع كثر حلب الناقه تتوسع حلمات الديد. |
الله لا يهينكم جميعا وفيتو وكفيتو وشكرا على التجاوب |
| الساعة الآن 44 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |