|
الدهنااااااااااا محميه طبيعيه مده اربع سنوات مساكم الله بالخير كنت البارح في الدهناااا وعلمت من الاخوان هناك اهل المواشي انه قد تم التنويه عليهم بالخروج من الدهناااااااا ابتدا من 1\7 الانها ستصبح محميه لمده اربع سنوات من خط شويه شرق الي خط ام رقيبه ويترك مسافه عشره كيلو فقط هذا ماسمعت وماريت وحبيت انقله لكم اخوكم نواف الردعي |
اررررررحب ياغالي يعطيك العافيه سمعنا بها الكلام من قبل الله يوفق الدوله لمافيه الخير والسداد للجميع واتوقع انه سوف يكون هناك صعوبه في السيطره على المحميه لأنها كبيرة جدا ووعره ولها مداخل كثيره ومن جهات متعدده ايجابيات الحمى من وجهة نظري كثيره ومنها حماية الاشجار المعمره وكذالك الغطاء النباتي السلبيات عدم وجود حاجز مسافة الحمى كبيرة جدا ولو اقتصرت على خمسين كيلو في خمسين كيلو لكان افضل |
يليت هذا الخبر صحيح المفروض يعطونهم غرامه 5000 حتى يتعض غيره |
الله يعطيك العافيه على نقل هذا الخبر |
لاهنت على نقل الخبر وان شالله انه في صالح المحميه للمحافظه على الاشجار من الانقطاع بما يعود بالنفع على اهل الحلال |
مشكورين علي الردود الطيبه |
ان اشوف من وجه نظري مايستفيدون شي من حماهم للدهنا لانها رمال زاحفه وتوقع باي يوم تغطي هالرمال الغطاء النباتي الا انكان يحمون مواقع الارطى هنا الاستفاده الاكبر |
والله شف انا معهم في هذي النقطه اول شيء الدهنا ليست مجرد كثبان رملية وشجر فقط ؟ انما هو خط سير لطيور المهاجرة واهمها الحبارى يعني بيعود للنفع للحباة الفطرية بشكل عام وانا اتكلم وانا من هل الديره . صحيح عندي ابل والدهنا مرتع خصب وعشبها ينفع الابل اكثر من غيره لاكن المحلات واجد . وماحنا بمخالفين الحماية على الشيء الإيجابي . لاكن اخاف يجي اليوم اللي اشوف القشع والنصي اللي كبر الشجر وقاعه اسود واخربها هههههههههههههههه فيه كلام كثير ابي اقوله لاكن مع الكتابه نسيت تقبل مروري |
والله انا ضد الحما ليه وش بقى ماحمي مابقى الا كل واحد يشري مزرعه ويحط ابله فيها والله ان كان هذا الخبر صحيح وانا سمعته من رجال ثقه وكبير سن ومنصب ان تشوفون المزارع باسعار خياليه خاصه اللي حول الصمان او قريه اشتروا تراها بتدبل هذي ابرك من الاسهم ويالربع تعالوا حدروا على نجد اخير لكم بعدين سوال لو حموا الدهنا ؟ وانت بتشد للصمان من وين تروح هذا منطق تنزلها بهالكوبتر |
ههههههههه اخوي محمد الروقي ادخل قوقل ايرث ومخمخ وشف الجاده الزينه للابل |
لاهنت على نقل الخبر |
| الساعة الآن 08 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |