شاهد الصوره ....... وماهو العلاج
 

السلام عليكم ورحمة الله وبركاته

ان شاء الله الجمييييع بخير

عندي هالخلفه ظهر فيها انتفاخ في الديد وكل يوم وهو في زود ماهو سبب ظهوره وماهو علاجه

الصوره لتوضيح النفخ

http://up5.up-images.com/up//uploads...ee0648ee1d.png

اخوي مرزوق
هذا الله يطول عمرك والله اعلم انه خباش
وهو التهاب يجي ديد الخلفا اللي ماتسرح ولاتمشي ودايم في الشبك ومبركها اعزكم الله وصخ
بس في ناقتك ملتهب بالحيل
المس الديس تلقاه حاااار
علاجه : وص العامل يرشه كل اشوي بالماء البارد ويخليها تمشي
وعطها بنسلين وابرة خباش .. وفيه مراهم للديد
الله يشفيها وتغتبق من حليبها

لاهنتو على المرور

اخوي عادل ماضنتي انه خباش الناقه في البر وتسرح الصبح ولاتجي الا الساعه خمس العصر

يا خوي هذا ماهوب خباش . الخباش يورم ديس الناقه كله بحجم واحد

مرحبا مرزوق

خلفتك مافيها الا العافية ان شاء الله

بس ليت توضح وش تعلفها

هو انت تشكل في العلف

مرتن رودس ومرتن برسيم ومرتن ذرة ومرتن مكعب ومرتن شعير ؟

هي تسرح وتمشي ؟

بقولك شي صار في خلفتين عندي

جاهن ورم وانتفاخ في صفنها

نصحني واحد اني اقطع الرودس واعلف برسيم او ذره مع الشعير

وارشها بالماء وانظفها من اللبن

زانت وطابت اللهم لك الحمد بعد اربع ايام

وقالي كلمة انحش من المكعب

السلام عليكم ورحمة الله وبركاتة
الناقة طيبه ان شاء الله هذا ((وريم)) رشه بماء بارد ون كان عندك سمن بري (جزو) ادهنها ابه وحط معه ثفا (رشاد)

يااخوي مرزوق عطها ابرة بنسلين في الديد ورشها كل صبح بماء بارد وخلها تمشي
وانشاء الله ماعليها الا العافية

بيض الله وجيهكم جميييييع

الخلفه طعامها شعير وتبن وتسرح يمكن 7 ساعات في اليوم

استخدم ابرة البنسلين أو ابرة مضاد للالتهابات مع رش الديد بالماء البارد صباحاً و مساءً

والله اعلم

السلام عليكم ورحمة الله وبركاته

عليك بلبنسلين 30 سم مدة 4 أيام وفنديل هندي 20 سم 4 ايام وأدهن الديد بفكس مال الورم تلقاه عندي البطري ورش ماء بارد مع مره صباحا والمغرب وبدين ادهنه بالفكس والله اعلم

بسيطه هذي قرصه فالديس
عطها بنسلين وتتطيب انشاالله

يالربع ابرة البنسلين وين ادقها في الديس ولا في اللحم

وبيض الله وجيهكم جميييييييع ماقصرتم والله

في اللحم